Flagð

Abstract

Nornir hafa völd í heimi þar sem konur eru annars oft valdalausar. Hugmyndafræði norna hefur heillað konur í árþúsundir. Hugmyndin að geta haft áhrif á eða hafnað ríkjandi viðmiðum er valdeflandi. Konur í dag eru stöðugt undir smásjá fjölmiðla sem beina sviðsljósinu að brestum þeirra, auk þess sem þær verða fyrir stöðugu áreiti neysluhyggjunnar. Ritið Flagð vefengir hugmyndir um kvenlega fegurðarstaðla og ögrar bannhelginni í kringum líkama og kynferði kvenna. Sambandið milli kvenna og neysluhyggju er rofið – sviðsljósinu er beint að því sem konur gera í stað þess sem þær neyta.