is Íslenska en English

Lokaverkefni (Meistara)

Háskólinn á Akureyri > Hug- og félagsvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/28112

Titill: 
  • „Þegar ég heyri epli og appelsínur þá hætti ég að hlusta” : stærðfræðinám og –kennsla á unglingastigi á Akureyri, reynsla nemenda
Námsstig: 
  • Meistara
Útdráttur: 
  • Markmið þessarar rannsóknar var að kanna hvernig kennsluaðferðir, áherslur og viðhorf í grunnskóla leiða til árangurs framhaldsskólanemenda í stærðfræði. Til að nálgast það notaði höfundur eigindlega nálgun og tók rýnihópaviðtöl við 10 nemendur á fjórða ári í framhaldsnámi. Einnig var stuðst við megindleg gögn: bæði spurningarlista sem viðmælendur svöruðu og fyrirliggjandi gögn úr PISA rannsókninni frá árinu 2012 þar sem áhersla var á stærðfræðilæsi.
    Lagt var upp með sex matsþætti: kennsluaðferðir, árangur, áhuga, þrautseigju, kennivald kennara og PISA rannsóknina. Fræðikaflinn fjallar um sýn PISA á stærðfræðinám og þrjár kenningar um stærðfræðinám: hugsmíðakenningar, menningar- og sögulegar kenningar og samfélagslegar kenningar.
    Í stuttu máli sögðu flestir viðmælendur frá kennarastýrðri útlistunarkennslu með sjálfstæðri vinnu nemenda inn á milli, sem flokka má undir menningar- og sögulegar kenningar. Kennararnir höfðu allir valið námsefni sem frekar má flokka undir hugsmíðakenningar og sýn PISA á stærðfræði. Viðmælendur töldu að langflestir sem höfðu kennt þeim stærðfræði hafi sýnt þeim umhyggju, virðingu og hafi lagt sig fram um að vekja áhuga þeirra á stærðfræði. Mikill meirihluti viðmælenda virtu kennarana og fundu að þeir vildu að þeir næðu árangri. Viðmælendur mæltu með skemmtilegum og hressum kennara með sterkt kennivald sem notaði umræður auk hagnýtra og fjölbreyttra verkefni. Viðmælendum fannst kennarar uppteknir af því að aðstoða nemendur sem gekk verr og fannst það koma niður á umræðum, innlögnum og fjölbreytni. Hagnýt verkefni og rannsóknarvinna voru talin skapa aðra sýn á stærðfræði og væru ágæt tilbreyting, frekar en þau hefðu áhrif á árangur eða þekkingu á stærðfræði. Námsþættir voru afmarkaðir en samhengi hélst milli þátta. Algebra var talin mikilvægust. Viðmælendur höfðu trú á eigin getu í stærðfræði en vildu losna við að lesa mikið í stærðfræði. Þeir sögðu samt að lesskilningur væri mikilvægur fyrir stærðfræði í framhaldsskóla, sem og utanbókarlærdómur. Viðmælendur höfðu allir fengið stuðning í námi frá heimilum og aðhald.

  • Útdráttur er á ensku

    The aim of this research was to examine how teaching methods, emphases and attitudes in elementary school lead to a positive success in mathematics for upper secondary school students. Author used qualitative focus group method and interviewed ten fourth years’ students. Quantitative data was also used; both in form of data gathered from questionnaire and existing data from PISA study 2012, where the focus was on mathematics literacy.
    Six assessment factors were used in this study: teaching methods, success, interest, resiliency, authority of educator and PISA. In the academic chapter PISA vision of mathematics where discussed among three theories about mathematics: constructivist theories, cultural and historical theories and sociological theories.
    The main results was that most interviewees described the mathematics teaching strategy in elementary school as teacher focused and expounding method, with independent work in between, influenced bye cultural and historical theories. All teachers had chosen educational materials similar to ideas of constructivist theories and PISA mathematics vision. The interviewers thought majority of mathematic teachers had been caring, respected them and endeavoured to stimulate their interest in mathematics. Most interviewers respected their teachers and knew they wanted them to be successful. Interviewers recommended fun and chipper teacher with strong authority of educator that uses discussions and practical and diverse projects. The interviewees felt teachers were occupied assisting students with difficulties understanding math and thought it diminished opportunities for forum, admittance and diversity. They considered practical projects and research work create different mathematics view but didn’t affect success or mathematics knowledge. Algebra was considered important. Interviewees had faith in own mathematics skills but wanted to get divested from reading much in mathematics. They said that reading comprehension where important for mathematics in upper secondary school, as well as rote memorization. Interviewers had all received educational support at home and control.

Samþykkt: 
  • 12.6.2017
URI: 
  • http://hdl.handle.net/1946/28112


Skrár
Skráarnafn Stærð AðgangurLýsingSkráartegund 
Meistaraprófsritgerð_2017.pdf864.28 kBOpinnHeildartextiPDFSkoða/Opna