is Íslenska en English

Lokaverkefni (Meistara) Háskólinn á Akureyri > Hug- og félagsvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28133

Titill: 
  • Það vex eitt blóm : rannsókn á starfsþróun kennara í 1. bekk í stærðfræðikennslu
Námsstig: 
  • Meistara
Leiðbeinandi: 
Útdráttur: 
  • Í þessari ritgerð er fjallað um starfendarannsókn tveggja kennara teymis. Teymið stefndi að starfsþróun (professional development) og vildi bæta starfshætti sína í kennslu og undirbúningi fyrir stærðfræðikennslu á yngsta stigi sem til lengri tíma litið á að leiða til aukins námsárangurs nemenda.
    Markmið rannsóknarinnar var að kanna hvernig markviss rannsókn og skráning á eigin starfsaðferðum, í samvinnu við utanaðkomandi rannsakanda, getur verið leið til að bæta vinnubrögð kennara og starfshætti með það að markmiði að bæta námsárangur nemenda.
    Aðferðum starfendarannsókna (action research) var beitt við rannsóknina og nýtti teymið sér jafningja-stuðning (peer coaching) og utanaðkomandi rannsakanda sem var virkur þátttakandi í starfsþróun teymisins.
    Niðurstöður rannsóknarinnar sýndu að fyrir starfsþróunarverkefnið beittu kennararnir beinni kennslu í stærðfræði og einkenndist undirbúningur fyrir kennslu, framkvæmd kennslunnar og námsumhverfið af fábrotnum leiðum og tækifærum fyrir nemendurna. Starfsþróun kennaranna í þessu verkefni og stuðningur við þá, leiddi til meiri fjölbreytni, breyttra viðhorfa og aukinnar færni í undirbúningi kennslu, útfærslu kennslunnar og meiri virkni og áhuga hjá nemendum.
    Kennararnir náðu ágætum tökum á fjölbreytni í framkvæmd kennslunnar og í undirbúningi fyrir kennslu en hefðu þurft meiri og betri leiðsögn í þeirri skráningu sem rannsókn á eigin störfum krefst til að meta eigin árangur auk þess sem gera þarf ráð fyrir að gefa kennurum tíma til að sinna slíku þar sem tímaskortur gerði vart við sig.
    Breytt viðhorf þeirra til starfsins einkenndist af vilja til áframhaldandi starfsþróunar til að mæta betur þörfum ólíkra nemendahópa og hafa kennararnir sett sér ný markmið þar að lútandi. Í viðhorfskönnun sem lögð var fyrir nemendur í upphafi og lok starfsþróunartímabilsins kom í ljós að viðhorf nemenda til stærðfræði varð jákvæðara í lok tímabilsins.

  • Útdráttur er á ensku

    In this essay the topic will be about an action report of a teacher group, consisting of two individuals. The team´s goal was professional development, by means of improving their work procedures in teaching and math class preparation for the younger stages, resulting, in the long run, in an increased academic skill for the students.
    The goal of the research was to see how an effective research and
    registration on one´s self procedures, in cooperation with an outside
    researcher, could be a way to improve the work procedures of teachers,
    which in turn would increase the academic skill of students.
    Action report methods were used and the team utilized peer coaching of
    an outside researcher who was an active participant in the team´s
    development.
    The report results showed that before the professional development
    project, the teachers used direct teaching in math, and preparation, practice and the learning environment were characterized by simple means and opportunities for the students. Supporting the teachers in this project brought diversity, changed attitudes, and increased skill in preparation for teaching, practice in teaching and the learning of students as they became more active in the studies and more enthusiastic about maths. The teachers did a fine job in grasping the concept of implementing diversity in teaching, but they would have needed more support in the preparation stage of teaching, and better guidance in the registration, that a report on one´s self work, requires, as well as lack of time because of other duties was a factor.

Samþykkt: 
  • 12.6.2017
URI: 
  • http://hdl.handle.net/1946/28133


Skrár
Skráarnafn Stærð AðgangurLýsingSkráartegund 
Seinasta yfirferð f. Prentun.pdf3.36 MBOpinnHeildartextiPDFSkoða/Opna