Veiðikort : hugleiðingar um muninn á stangveiði og netaveiði

Abstract

Ritgerðin byrjar á umfjöllun um ákveðna nálgun David Lynch á hugmyndir og þann innblástur sem sú aðferð hefur veitt mér í listferlinu. Fjallað er um afstöðu mína til ferlis í listsköpun í samhengi við skrif fræðikonunnar Lucy R. Lippard um afbyggingu listhlutarins og reyni ég að svara því hvort mitt ferli eigi þar samleið. Fjallað verður um hugtökin ferli, meðvitund, tíma og hið háleita og birtingarmynd þeirra skoðuð í mínum verkum. Til frekari dýpkunar styð ég umfjöllunina með vísunum í verk listamannanna Tehching Hsieh og Miroslaw Balka. Þá mun ég einnig skoða túlkun heimspekingsins Alan Watts á gildum búddsima og bera saman við verk mín í þeim tilgangi að kortleggja skilning minn enn frekar á þeim og sjá hvort hugmyndarheimur minn eigi eitthvað skylt með þeirri heimssýn.