is Íslenska en English

Lokaverkefni (Bakkalár)

Listaháskóli Íslands > Tónlistardeild / Department of Music > Lokaritgerðir / Theses (BA, B.Mus.) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28179

Titill: 
  • Rúmskynjun : getur rými orðið að efniviði?
Námsstig: 
  • Bakkalár
Leiðbeinandi: 
Útdráttur: 
  • Fjallað er um nýstárlega nálgun á tón- og myndlistarsköpun sem nýtir rýmið til að bæta við nýrri vídd fyrir áhorfandann til að upplifa verk, svokallaðri rúmskynjun. Til að byrja með er skynjun skoðuð og velt fyrir sér hvaða skilningarvit gera okkur meðvituð um rýmin sem við lifum í og veita okkur rúmskynjun. Borin eru saman verkin Pendulum (1993) eftir Finnboga Pétursson, 1 og 8 og kannski annar (2016) eftir Inga Garðar Erlendssonar, The Visitors (2012) eftir Ragnar Kjartanssonar, Dream House eftir La Monte Young og Marian Zazeela og þau skoðuð útfrá sjónarhorni rúmskynjunar, hvað þau eigi sameiginlegt og líka hvað aðskilur þau. Einnig er tekið fyrir Þverholtsverkið (2016) sem er samstarfsverkefni nokkurra nemenda Listaháskóla Íslands þar sem samið var tónverk sérstaklega fyrir eigintíðnir húsnæðis Listaháskólans í Þverholti. Kynntir eru eðlisfræðilegir þættir sem lágu að baki verksins og ítarlega farið í gegnum ferlið, frá hugmynd til tónleika. Í lok ritgerðar eru hugleiðingar um mikilvægi gæða tónlistarinnar í slíkum rýmisverkum, hvernig tíminn getur verið ýmist frosinn eða línulegur í þessum verkum og hvort þau séu í eðli sínu gagnvirk. Einnig er háskerpusýn tónlistarmanna og myndlistarmanna borin saman í þessu samhengi og mismunandi sýn þeirra á rýmisverk og kannað hvort ásetningur höfundarins skiptir máli á upplifun áhorfendans.

Samþykkt: 
  • 12.6.2017
URI: 
  • http://hdl.handle.net/1946/28179


Skrár
Skráarnafn Stærð AðgangurLýsingSkráartegund 
Rúmskynjun 20des.pdf2.07 MBOpinnHeildartextiPDFSkoða/Opna