Fjárhagsleg sjálfbærni sveitarfélaga : hversu sterk eða veik er fjárhagsstaða sveitarfélaga og hvaða þættir skipta þar mestu máli?

Abstract

Rannsókn þessi fjallar um fjárhag og fjárhagslega sjálfbærni sveitarfélaga. Til að rannsaka það er nauðsynlegt að ákvarða hvaða kennitölur og hlutföll segja til um fjárhagslega sjálfbærni sveitarfélaga. Þekkingu á málefninu var aflað með heimildavinnu, djúpviðtölum og spurningalista. Allir þátttakendur spurningalistans voru tengdir fjármálum síns sveitarfélags. Í framhaldi af því þurfti að búa til líkan með helstu atriðum í þeim tilgangi að meta sveitarfélögin á sameiginlegum grundvelli. Líkanið veitti upplýsingar um hversu fjárhagslega sjálfbært eða ósjálfbært hvert og eitt sveitarfélag er miðað við heildina, ásamt því að veita samanburð á fjárhagslegum upplýsingum sveitarfélaganna. Helstu niðurstöður rannsóknarinnar veittu upplýsingar um hversu fjárhagslega sjálfbært hvert og eitt sveitarfélag er í samanburði við önnur sveitarfélög. Líkanið er þar af leiðandi fjárhagslegur leiðarvísir fyrir sveitarstjórnir í sveitarfélögum til viðmiðunar um mat á eigin stöðu.