Grænþvottur á Íslandi : villandi merkingar fyrirtækja varðandi umhverfisstaðhæfingar á afurðum þeirra

Abstract

Auknar kröfur af hálfu neytenda og fjárfesta um að fyrirtæki hugi að umhverfinu í allri sinni starfsemi hefur leitt til aukningar á grænþvotti. Grænþvottur á sér stað þegar fyrirtæki gefa ranglega til kynna að fyrirtækið sé umhverfisvænt með ruglandi framsetningu eða blekkingum. Grænþvottur getur komið fram á umbúðum vara, heimasíðum eða í auglýsingum fyrirtækja og getur birst í formi staðhæfinga eða merkinga. Í ritgerð þessari er rannsakað hvort grænþvottur hafi átt sér stað á Íslandi, ef svo er, hvaða tegundir af grænþvotti það eru. Líkanið Sjö syndir grænþvottar sem sett var fram af markaðsfyrirtækinu Terrachoice er kynnt og út frá því greint hvaða tegundir hafa verið stundaðar af íslenskum fyrirtækjum. Niðurstaða rannsóknarinnar er sú að fjölbreyttur grænþvottur hefur verið stundaður á Íslandi af hálfu íslenskra fyrirtækja. Rannsókn þessi sýndi ekki fram á að ein tegund grænþvottar sé afgerandi algengari en önnur hér á landi.