is Íslenska en English

Lokaverkefni (Bakkalár)

Háskólinn í Reykjavík > Samfélagssvið / School of Social Sciences > BSc Viðskiptadeild (og BSc sálfræði -2019) / Department of Business Administration >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28241

Titill: 
  • Íslenskur sjávarútvegur : baráttan um auðlindina og hagsmunabandalög heima í héraði
Námsstig: 
  • Bakkalár
Leiðbeinandi: 
Útdráttur: 
  • Sjávarútvegur er talinn hafa bæði bein og óbein áhrif á allt í efnahagslífinu og er þar með oft kallaður grunnatvinnuvegur Íslendinga. Í atvinnuveginum er að finna fyrirtæki sem eru miklir máttarstólpar í íslensku atvinnulífi.
    Í ritgerðinni er að finna umfjöllun um hagræn sérkenni sjávarútvegs á Íslandi og hvernig umframarðsemi skapast við þær aðstæður sem ríkja í atvinnuveginum.
    Fá ágreiningsefni hafa verið jafn lengi í gangi og deilurnar í kringum sjávarútveg. Þar takast á sjónarmið sem snúa að tilfinningum og gildismati annars vegar og hins vegar sjónarmið sem lúta að því hvernig hlutirnir eru eða geta verið. Í ritgerð sem þessari er ekki hægt að taka afstöðu um hvað er rétt eða rangt út frá gildismati heldur er aðeins hægt að skoða staðreyndir. Dæmi um ágreiningsefni sem fjallað er um í ritgerðinni er auðlindagjaldið sem sett var á árið 2004/2005 og kvótakerfið og áhrif þess á íbúaþróun í landsbyggðinni.
    Í fiskveiðistjórnun er auðvelt að hámarka hagsmuni ákveðinna aðila innan atvinnugreinarinnar en á sama tíma hafa slæm áhrif á aðra. Því er mikilvægt að stofnað sé til hagsmunasamtaka í sjávarútvegi og er farið yfir nokkur slík samtök ásamt hagrænum hvötum í hagsmunagæslu.
    Í ritgerðinni er svo fjallað um hvernig hagsmunabandalög hafa orðið til í baráttunni um auðlindina. Tekin eru fyrir tvö stór sjávarútvegsfyrirtæki sem staðsett eru á landsbyggðinni og voru tekin djúpviðtöl við stjórnendur þeirra. Farið er yfir hvernig bæði þessi fyrirtæki hafa komið á fyrirkomulagi þar sem hagsmunir fyrirtækisins og samfélagsins koma saman. Þessi fyrirtæki stunda samfélagslega ábyrgð og innviðafjárfestingu í þeim samfélögum sem þau starfa í og með þeim hætti standa þau að þessum sameiginlegu hagsmunum og þar með halda auðlindarentunni heima í héraði.

Samþykkt: 
  • 13.6.2017
URI: 
  • http://hdl.handle.net/1946/28241


Skrár
Skráarnafn Stærð AðgangurLýsingSkráartegund 
BS-ritgerd-Sigrun-og-Dagur.pdf3.17 MBOpinnHeildartextiPDFSkoða/Opna