is Íslenska en English

Lokaverkefni (Bakkalár) Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28302

Titill: 
  • Að virkja námsáhuga nemenda: Minecraft sem grunnur verkefna í hönnun og smíði
Námsstig: 
  • Bakkalár
Útdráttur: 
  • Verkefni þetta er tilraun til þess að virkja áhuga grunnskólanemenda í hönnun og smíði með því að færa viðfangsefni kennslunnar nær reynslu og hugarheimi þeirra. Í verkefninu er kannað hvort hægt sé að nýta eigin hugmyndir nemenda við hönnun og val á smíðaverkefnum. Einnig munu höfundar skoða hvort nýta megi hugarefni þeirra sem grunn að samþættingu námsgreina.
    Kveikjan af þessu verkefni var kennsluverkefni í kennslufræði hönnunar og smíða við kennaradeild Menntavísindasviðs Háskóla Íslands. Ákveðið var að nýta sýndarveruleikann Minecraft, sem hefur verið mikið notaður af grunnskólanemendum utan skólastarfs, til að þróa gerð smíðaverkefna. Í vettvangsnámi sínu buðu flestir kennaranemar nemendum sínum að takast á við verkefnin. Almenn ánægja var meðal nemenda með verkefnin, vegna sterkrar tengingar við reynsluheim þeirra og áhugasvið. Viðtökukennarar í vettvangsnámi gáfu verkefnunum einnig góða dóma og þótti vel hafa tekist til.
    Höfundar vita að margir kennarar reyna að virkja áhuga nemenda í skólastarfi með vísun í áhugasvið þeirra og því verður skoðað í þessu verkefni hvernig nýta megi Minecraft á fjölbreyttan hátt í skapandi og samþættu skólastarfi.
    Uppistaða verkefnisins er verkefnasafn er tengist Minecraft sýndarveruleikanum ásamt greinargerð þar sem greint er frá notkun þess. Í greinargerðinni verða kenningum Dewey um reynslu, menntun og skólastarf gerð skil ásamt hugmyndum er tengjast hugsmíðahyggju (e. constructivism), þar sem höfundar telja að þær muni gagnast kennurum við skipulagningu og framkvæmd kennslunnar.

Samþykkt: 
  • 15.6.2017
URI: 
  • http://hdl.handle.net/1946/28302


Skrár
Skráarnafn Stærð AðgangurLýsingSkráartegund 
Lokaverkefni. B.Ed..pdf2.25 MBOpinnHeildartextiPDFSkoða/Opna
2016_03_skemman_yfirlysing_lokaverkefni_29.03.16.pdf404.62 kBLokaðurYfirlýsingPDF