is Íslenska en English

Lokaverkefni

Háskóli Íslands > Heilbrigðisvísindasvið > Kandídatsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28325

Titill: 
  • Upplifun kvenna af samskiptum við ljósmóður í fæðingu: Fræðileg samantekt
  • Titill er á ensku Women’s experience of interactions with midwife during childbirth. A literature review
Útdráttur: 
  • Fæðing barns er einn af mikilvægustu viðburðum í lífi kvenna en fæðingarreynsla skiptir miklu máli fyrir sjálfstraust þeirra, líðan og tengslamyndun við barn sitt. Ljósmæður eru helstu umönnunaraðilar kvenna í fæðingarferlinu og sýna rannsóknir að samskipti þeirra við konur í fæðingu geta haft áhrif á upplifun þeirra og líðan. Mikilvægt er að skoða þá þætti, sem hafa áhrif á upplifun þeirra til þess að geta bætt fæðingarþjónustu og aukið líkur á jákvæðri fæðingarreynslu.
    Tilgangur þessarar fræðilegu samantektar var annars vegar að skoða hvernig ljósmæður geta haft áhrif á upplifun kvenna af fæðingu barns, og hins vegar, hvaða þættir skipta konur mestu máli í samskiptum þeirra við ljósmæður. Niðurstöðurnar sýndu að samskipti kvenna við ljósmóður í fæðingu getur haft mikil áhrif á reynslu þeirra. Var þá einstaklingsbundinn, samfelldur stuðningur ljósmæðra, gagnkvæmni í sambandi og nærvera þau atriði sem skiptu hvað mestu máli. Þá sýndu rannsóknir að ef ljósmóðir veitti konu bæði andlega og líkamlega nærveru, hlustaði á hana og veitti henni góðar upplýsingar í fæðingu, gat hún stuðlað að jákvæðri fæðingareynslu. Samband konu og ljósmóður þarf að byggja á trausti en kona í fæðingu þarf til dæmis að geta treyst því að ljósmóðirin sé faglega hæf og örugg í starfi. Konur vilja fá að taka þátt í sinni fæðingu með því að taka ákvarðanir er varða hana. Kenningar og ljósmóðurfræðileg líkön hafa verið sett fram sem byggja á rannsóknum á þeim þáttum sem skipta konur og ljósmæður máli og stuðla að jákvæðri fæðingarupplifun og útkomu fæðingar. Slík líkön geta hjálpað ljósmæðrum að veita konum góða þjónustu.
    Fæðingarsögur kvenna kenna ljósmæðrum margt og þar sem engar nýlegar rannsóknir eru til á því hvað konum finnst mikilvægt í samskiptum sínum við ljósmóður í fæðingu, væri áhugavert að gera slíka rannsókn á Íslandi með konum í dag.
    Leitarorð: Fæðing (e. childbirth), umönnun (e. care), ljósmóðir (e. midwife), ljósmóðurfræði (e. midwifery), samfelld umönnun (e. continuous care), stuðningur (e. support), nærvera (e. presence) og reynsla (e. experience).

Samþykkt: 
  • 19.6.2017
URI: 
  • http://hdl.handle.net/1946/28325


Skrár
Skráarnafn Stærð AðgangurLýsingSkráartegund 
Upplifun kvenna af samskiptum við ljósmóður í fæðingu- Lokaverkefni.pdf856.37 kBOpinnHeildartextiPDFSkoða/Opna
yfirlýsing.pdf270.41 kBLokaðurYfirlýsingPDF