is Íslenska en English

Lokaverkefni Háskóli Íslands > Þverfræðilegt nám > Lýðheilsuvísindi >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28399

Titill: 
  • Fæðuofnæmi og fæðuóþol í leikskólum Reykjavíkurborgar: lýsandi þversniðsrannsókn
  • Titill er á ensku Food Allergies and Intolerances in Preschools in Iceland: A Descriptive Cross-sectional Study
Útdráttur: 
  • Inngangur: Markmið rannsóknarinnar var að kanna algengi fæðuofnæmis og fæðuóþols hjá börnum á leikskólum Reykjavíkurborgar og hversu vel leikskólar standa að því að hafa umhverfi barna með fæðuofnæmi sem öruggast.
    Efniviður og aðferðir: Spurningalisti útbúinn fyrir þessa rannsókn var sendur til 65 leikskóla hjá Reykjavíkurborg árið 2014. Svör fengust frá 49 leikskólum (75%) með 4225 börn. Algengi fæðuofnæmis og fæðuóþols var metið út frá fjölda læknisvottorða sem afhent eru á leikskólana. Lýsandi tölfræði var notuð til að meta hvort ferlar væru til staðar fyrir börn með fæðuofnæmi/-óþol á leikskólum og hvort þeir tengdust menntun leikskólastjóra, menntun starfsmanns í eldhúsi og stærð leikskóla.
    Niðurstöður: Algengi fæðuofnæmis og fæðuóþols var 5%, bráðofnæmis 1% og fjölfæðuofnæmis 1%. Mjólkuróþol var algengast (2,3%) en þar næst mjólkurofnæmi (1,7%) og eggjaofnæmi (1,4%). Allir leikskólar utan einn voru með barn með fæðuofnæmi og/eða -óþol (98%). Tæpur helmingur leikskólanna (41%) var með virkt ferli til að fara eftir ef barn skyldi fyrir slysni fá ofnæmisvaka með fæðunni. Aðeins 55% leikskóla með barn með bráðaofnæmi sögðu allt starfsfólk sitt þekkja einkenni ofnæmiskasts og 64% þeirra sögðu starfsfólk sitt upplýst og þjálfað í hvernig bregðast skuli við ofnæmiskasti. Engin marktæk tengsl voru á milli menntunar leikskólastjóra, starfsmanns í eldhúsi og stærð leikskóla og hvernig staðið var að málum barna með fæðuofnæmi/-óþol.
    Ályktun: Fimm prósent barna í rannsókninni voru með staðfest fæðuofnæmi og/eða fæðuóþol. Nær allir leikskólarnir voru með börn með fæðuofnæmi og/eða fæðuóþol og helmingur þeirra með börn með bráðaofnæmi. Tryggja þarf betur umhverfi fyrir börn með fæðuofnæmi og samræma verkferla.

  • Útdráttur er á ensku

    Introduction: The aim of the study was to explore prevalence of food allergies and intolerances among children in preschools in Reykjavik, Iceland. Also, to investigate how well preschools manage to keep the environment safe for children with food allergies.
    Materials and methods: A questionnaire, made for this study, was sent to 65 preschools in 2014. Forty-nine participated (75%) with 4225 children overall. Prevalence of food allergy and intolerance was based on medical certificates from physicians delivered to the preschools. Descriptive statistics were used to assess whether there were protocols that became active upon accidents related to food allergy, and if there was a difference between schools based on the education of the principal, kitchen´s employee and preschools´ size.
    Results: The prevalence of food allergies/intolerances in children aged 2-6 years was 5%, 1% for severe allergy and 1.1% for multiple food allergies. Lactose intolerance was most frequent (2.3%), then milk allergy (1.7%) and egg allergy (1.4%). Only 41% preschools had a protocol that was activated if food with an allergen was accidentally given. Moreover, only 55% of preschools with children with severe allergy reported all of their employees to have knowledge of symptoms related to anaphylaxis and only 64% were trained to respond to an anaphylactic shock. The education of preschools´ principals and kitchen´s employees and the size of the preschool were not related to an active protocol at site.
    Conclusion: Prevalence of food allergy and intolerance was 5%. Nearly all the preschools (98%) reported to have children with food allergy and 50% of them with severe food allergy. Strategy for a safe preschool environment is lacking in many preschools in Reykjavik.

Samþykkt: 
  • 22.6.2017
URI: 
  • http://hdl.handle.net/1946/28399


Skrár
Skráarnafn Stærð AðgangurLýsingSkráartegund 
Aðalheiður Rán Þrastardóttir_MPH_2017.pdf1.15 MBOpinnHeildartextiPDFSkoða/Opna
IMG_20170621_191253.jpg3.03 MBLokaðurYfirlýsingJPG