is Íslenska en English

Lokaverkefni (Meistara) Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28437

Titill: 
  • Ungmenna- og tómstundabúðir sem stuðningur við menntun unglinga
  • Titill er á ensku Youth- and recreational camp as a support to youth educational
Námsstig: 
  • Meistara
Útdráttur: 
  • Meginmarkmið þessarar ritgerðar er tvíþætt. Annars vegar að gefa yfirlit um sögu, þróun, starfsemi og áhrifaþætti margvíslegra búða á Íslandi. Hins vegar er ætlunin að kanna hvað það er í starfsemi ungmenna- og tómstundabúða sem er mikilvægt fyrir menntun unglinga og hvernig starfsemi þeirra getur stutt við aðalnámskrá grunnskóla.
    Til að leita svara við þessum spurningum var heimilda aflað, meðal annars um kenningar tengdar búðum og félagsþroska og um sögu búða á Íslandi. Sérstaklega var stuðst við margvísleg gögn um Ungmenna- og tómstundabúðirnar að Laugum, til dæmis var farið yfir námsáætlanir, rætt við nemendur og rýnt í matsblöð kennara.
    Niðurstöður benda til þess að upphaf búða í vestrænni menningu megi rekja til miðrar 19. aldar í kjölfar vaxandi borgarvæðingar sem talin var hafa slæm áhrif á börn. Búðir á Íslandi virðast hafa verið byggðar upp að norrænni fyrirmynd, og framan af eingöngu af frjálsum félagasamtökum. Fyrstu sumarbúðirnar voru stofnaðar hérlendis af KFUM árið 1922, en ríkið setti fyrstu skólabúðirnar á laggirnar árið 1988. Þróun búðanna virðist hafa fylgt tíðarandanum hverju sinni og nú á dögum er talið að ungmenna- og tómstundabúðir geti veitt ýmis tækifæri til að styðja menntun og þroska unglinga. Í búðum sem starfræktar hafa verið hér á landi birtast áherslur á formlegt og óformlegt nám sem styður með beinum og óbeinum hætti áherslur aðalnámskrár grunnskóla frá 2011. Tenging virðist vera við áherslur námskrár um þjálfun í félagsfærni sem og grunnþætti menntunar og þá lykilhæfni sem námskráin kynnir og mælir fyrir um að sé sinnt í skólagöngu skyldunáms. Gildi þessarar rannsóknar felst einkum í auknum skilningi á því hvernig starfið í slíkum búðum getur veitt íslenskri æsku tækifæri til menntandi reynslu sem styður hefðbundið starf innan veggja skólanna.

  • Útdráttur er á ensku

    The primary purpose of this thesis is two-fold. On the one hand, it gives an overview of the history, evolution and influences of the many types of youth- and recreational camps (also called outdoor centers) in Iceland, and on the other hand, its purpose is to conduct research into the aspects of these camps that are important for youth education and how this can support the national school curriculum.
    To find answers to these questions academic sources were consulted, amongst others, theories relating to social development and the history of recreational camps in Iceland. Multiple sources relating to the youth- and recreational camp at Laugar were examined, for example: educational plans, student interviews and teacher evaluation sheets.
    Results indicate that the genesis of these types of camps in western societies can be traced to the mid-19th century in the wake of increasing urbanization which was thought to be having a negative effect on children. Camps in Iceland appear to have been constructed in accordance with a Nordic model, and initially, only by non-governmental organizations. The first Icelandic summer camp was established by the YMCA in 1922, but the first government run school camp was only in 1988. The evolution of these camps seems to have followed the zeitgeist in each period and currently it is felt that youth- and recreational camps can actively support the formal education and maturing of young people. In Icelandic camps, the emphasis on courses that support the national curriculum, either directly or indirectly, has been evident from 2011. The connection to the national curriculum seems to emphasize social development as well as the foundations of education and learning skills mandated in compulsory education. The value of this thesis is primarily an improved understanding of how the work in these camps can give Icelandic youths the opportunity of educational experiences that support the traditional work within the school system.

Samþykkt: 
  • 27.6.2017
URI: 
  • http://hdl.handle.net/1946/28437


Skrár
Skráarnafn Stærð AðgangurLýsingSkráartegund 
2016_03_skemman_yfirlysing_lokaverkefni_29.03.16 LOKASKIL.pdf405.26 kBLokaðuryfirlýsingPDF
Anna Margrét Tómasdóttir.pdf2.09 MBOpinnHeildartextiPDFSkoða/Opna