Kínversk matargerð : greinagerð með uppskriftahefti ætluðu grunnskólanemum í 8.-10. bekk

Abstract

Þessi greinargerð, ásamt uppskriftahefti er 10 eininga lokaverkefni til B.Ed.-gráðu í grunnskólakennarafræði frá Menntavísindasviði Háskóla Íslands. Kínverskur matur er mjög vinsæll hér á Vesturlöndum og er fjöldinn allur af kínverskum veitingastöðum víðsvegar um heiminn. Greinagerðin fjallar um áhrif menningar, siði, algengustu hráefni, krydd og sósur í kínverskri matargerð. Meðfylgjandi er uppskriftarhefti með 25 kínverskum uppskriftum sem höfundur telur henta vel sem kennsluefni fyrir nemendur í 8.-10. bekk grunnskóla. Uppskriftirnar má nota í þemaverkefni í heimilisfræðikennslu og tilvalið væri að gera samþætt verkefni með öðrum námsgreinum. Höfundur útbjó alla réttina og ljósmyndaði og reyndi eftir bestu getu að hafa uppskriftirnar fjölbreyttar svo allir nemendur gætu fundið eitthvað við sitt hæfi. Í þessari greinagerð verður leitast við að svara spurningunni, „Hvað einkennir kínverska matreiðslu?”