Aldrei er of seint að gera gott

Abstract

Einelti er alvarlegt samfélagsmein og hefur áhrif á alla sem að því koma. Verkefnið byggir á rannsóknum á einelti, eineltisáætlunum, forvörnum og inngripum. Rannsóknarspurning verkefnisins er: Hvað þarf að vera til staðar svo árangur náist í baráttunni við einelti? Markmiðið er að greina hvernig hægt er að ná betri árangri í baráttunni við einelti á Íslandi, hvernig hægt er að draga úr því og fyrirbyggja þróun á nýjum eineltismálum. Með það að markmiði að svara rannsóknarspurningu verkefnisins verður almennt fjallað um eineltisáætlanir og markmið þeirra. Eineltishóparnir fjórir voru skoðaðir og greint hvað einkennir hvern hóp fyrir sig. Þá var einnig kannað hvert viðhorf nemenda og foreldra er til eineltis. Greint verður frá könnun sem framkvæmd var á eineltisáætlunum í skólum á höfuborgarsvæðinu og Suðurnesjum. Að lokum eru niðurstöður dregnar saman og rannsóknarspurningu svarað. Einelti verður að stöðva og vitundarvakning verður að eiga sér stað í samfélaginu.