Drengilegur leikur : barátta fyrir bættri stöðu kvennaknattspyrnunnar

Abstract

Þessi ritgerð fjallar um þróun kvennaknattspyrnunnar. Sjónum er meðal annars beint að muninum á umhverfi kvennaknattspyrnunnar annars vegar og karlaknattspyrnunnar hins vegar.Saga knattspyrnunnar er í upphafi stuttlega rakin. Fjallað er um uppruna knattspyrnuíþróttarinnar, hvernig hún barst fyrst til Íslands og þróun íþróttarinnar hér á landi. Karlaknattspyrnan á sér töluvert lengri sögu en kvennaknattspyrnan, en þó kemur það á óvart hversu langt er hægt að rekja sögu kvennaknattspyrnunnar og hefur uppgangur hennar verið mikill allt frá því að konur hófu að keppa í knattspyrnu fyrir alvöru.Þessi uppgangur hefur þó ekki verið vandræðalaus og lengi vel hafa konur þurft að berjast gegn karlmannsímynd íþróttarinnar og er sú barátta í raun skammt á veg komin. Þrátt fyrir langa og stranga baráttu, þá er munur á milli kynjanna enn mikill er varðar áhuga fjölmiðla, fjárhagslegan og faglegan stuðning. Í þessari ritgerð veltir höfundur því fyrir sér hvar munurinn helst liggur og hvað sé til ráða til að auka jafnrétti í þessari vinsælustu íþrótt heims.