Áhrif stafrænu byltingarinnar á störf ljósmyndara : dæmi um vinnu sex íslenskra ljósmyndara

Abstract

Mikil breyting hefur átt sér stað í ljósmyndun með tilkomu stafrænu byltingarinnar. Í ritgerð þessari verður fjallað um þessar breytingar því margir álíta að fyrirtækjum í ljósmyndun hafi fækkað umtalsvert með tilkomu stafrænu byltingarinnar. Í ritgerð þessari mun undirritaður lýsa þeim breytingum sem hefur orðið á starfi ljósmyndara með tilkomu stafrænnar tækni með stuttri sögu stafrænnar ljósmyndunar, þeirri byltingu sem Sasson kynnti með stafrænni myndavél og tölum frá Hagstofu Íslands. Talað var við ljósmyndara sem lærðu ljósmyndun við Tækniskóla Íslands (TÍ) fyrir árið 2000, þá sem voru við störf þegar stafræna byltingin var og þá sem nýlokið hafa námi í ljósmyndun. Haft var samband við Hagstofu Íslands til að fá tölur um þessa atvinnugrein, útgefin Sveinsbréf frá Atvinnuvega- og nýsköpunarráðuneytinu á árunum 2000 til 2010 til að sýna að þessum fyrirtækjum hefur í raun fjölgað á þeim árum. Farið verður lítilsháttar í kennslu í ljósmyndun við TÍ, kennsluaðferðir í verknámi og framtíð fagsins.