Íþróttastarf barna og unglinga : handbók: Ungmennafélagið Snæfell

Abstract

Lokaverkefni þetta er 10 eininga lokaverkefni til BA gráðu í Tómstunda- og félagsmálafræði við Háskóla Íslands. Lokaverkefnið var ákveðið með það í huga að útbúa handbók sem nýtist í starfi Ungmennafélagsins Snæfells. Markmið og tilgangur með þessu verkefni er að gera handbók sem er útfærð sem verkfæri til þess að stuðla að frekara faglegu starfi innan félagsins. Þessi handbók er ætluð þjálfurum, iðkendum, foreldrum, stjórnarmönnum og starfsmönnum sem og öðrum bæjarbúum til þess að allir sem koma að starfinu viti hlutverk sitt. Handbókinni er ætlað að skýra betur áherslur og markmið á því starfi sem þegar er unnið í félaginu.Verkefnið er tvískipt og skiptist annars vegar í greinagerð sem felur í sér fræðilegan hluta og hins vegar í handbók. Fræðilegi hlutinn skiptist niður í tvo megin þætti sem eru íþróttir og tómstundir. Í handbókinni eru tekin fyrir markmið og hlutverk iðkenda, þjálfara og foreldra. Listaðar eru upp sérstakar áherslur á hverju aldursskeiði fyrir sig ásamt almennum þáttum sem tengjast félaginu. Það er von höfundar að gagn verði af handbókinni og að hún nýtist öllum þeim sem koma að starfi ungmennafélgsins að hún bæti og styrki það starf sem fyrir er enn frekar. Markmið með handbókinni er að ramma inn helstu verklagsreglur í starfinu og að efni hennar nýtist öllum þeim sem að starfinu koma svo þeir hinir sömu viti til hvers er ætlast af þeim og öðrum sem starfa fyrir félagið.