is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28594

Titill: 
  • Grunnþátturinn sjálfbærni : verkefnasafn fyrir yngsta stig grunnskóla
Námsstig: 
  • Meistara
Leiðbeinandi: 
Útdráttur: 
  • Í Aðalnámskrá fyrir leik-, grunn- og framhaldsskóla árið 2011 voru kynntir sex grunnþættir menntunar sem þræða á í daglegt skólastarf. Er sjálfbærni einn þeirra.
    Meistaraverkefni þetta felur annars vegar í sér greinagerð sem fjallar um hugtökin sjálfbærni og sjálfbæra þróun, grunnþáttinn sjálfbærni í Aðalnámskrá grunnskóla frá 2011 og áherslur í námi nemenda í náttúrugreinum sem tengja má svo hugtökunum sjálbærni og sjálfbærri þróun. Einnig er gerð grein fyrir völdum hugmyndum fræðimanna um nám og þroska nemenda sem síðan lágu mótun verkefnasafnsins til grundvallar. Hins vegar byggir þetta meistaraverkefni svo á verkefnasafni sem inniheldur þrjátíu verkefni fyrir nemendur í 1. –4. bekk.
    Markmið verkefnasafnsins var að móta, taka saman og prófa verkefni er beina sjónum að yngstu nemendum grunnskóla með umhverfi Hornafjarðar í huga, en leggja til grundvallar umhverfisþátt sjálfbærninnar. Gætu slík verkefni stutt kennara í skipulagi síns starfs við að þræða grunnþáttinn sjálfbærni í daglegt skólastarf þvert á námsgreinar.
    Verkefnin eru hugsuð út frá því að börn eru í eðli sínu forvitin og hafa mikinn áhuga á því að kanna umhverfið í kringum sig, prófa sig áfram, gera tilraunir og læra upp á eigin spýtur.
    Sum verkefnanna eiga skýran uppruna og önnur eru hugmyndir sem höfundur hefur mótað og/eða sett í samhengi við yngstu nemendur á Hornafirði.
    Verkefnin voru prófuð með nemendum og lögð fyrir umsjónakennara til umsagnar svo þau mætti slípa til. Út frá þessum gögnum voru verkefnin í verkefnasafninu endurbætt. Viðfangsefni verkefnanna eru margskonar en byggja flest á því að nemendur prófi sig áfram, geri tilraunir og athuganir, en einnig að þeir læri upp á eigin spýtur og í samvinnu við aðra með því að taka þátt í samræðum. Verkefnin hafa skýr tengsl við nærumhverfi nemenda og náttúruna í nágrenni við skólann.

Tengd vefslóð: 
Samþykkt: 
  • 28.6.2017
URI: 
  • http://hdl.handle.net/1946/28594


Skrár
Skráarnafn Stærð AðgangurLýsingSkráartegund 
2016_03_skemman_yfirlysing_lokaverkefni_29.03.16.pdf221.62 kBLokaðurYfirlýsingPDF
Lokaverkefni. 30.05.17 Lokaskil.pdf1.22 MBOpinnHeildartextiPDFSkoða/Opna