Týnda kynslóðin : hvaða opna tómstundastarfsemi er í boði fyrir 10 - 12 ára börn?

Abstract

Tilgangur verkefnisins er að varpa ljósi á hversu mikilvægt opið félagsmiðstöðvastarf fyrir 10-12 ára börn. Markmiðið er að skoða hvað boðið er upp á fyrir börn á þessum aldri og nauðsyn þess að auka faglegt starf fyrir þennan aldurshóp. Stuðst var við fræðilegar heimildir og farið á heimasíður sveitarfélaga til að finna út hvað er í boði hverju sinni. Börn á þessum aldri eru að uppgötva sitt sjálf, eigin styrkleika og veikleika. Helstu niðurstöður benda til þess að 10-12 ára börnum standi ekki mikið til boða innan félagsmiðstöðva. Meira en 50% barna á þessu aldri á Íslandi segjast aldrei stunda skipulagt félags- eða tómstundastarf. Þessi börn verja því oft frítíma sínum undir litlu eftirliti fullorðinna og vitum við því lítið hvað þau gera eftir að skóla lýkur. Mikilvægt er að 10-12 ára börnum standi til boða opið skipulagt tómstundastarf á vegum félagsmiðstöðva að lágmarki tvisvar til þrisvar sinnum í viku. Sérstaklega þarf að vinna í því að ná til barna sem standa höllum fæti og eru líklegri en önnur til að einangrast félagslega.Lykilhugtök: Kvíði, þunglyndi, félagsleg einangrun, tómstundir, tómstundastarf og gildi tómstunda