is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28691

Titill: 
  • Gildissvið gallaþröskuldar fasteignakaupalaga og úrræði kaupanda gallaðrar fasteignar gagnvart öðrum en seljanda
Námsstig: 
  • Bakkalár
Útdráttur: 
  • Fasteignakaup eru óumdeilanlega stærsta fjárfesting flestra einstaklinga á lífsleiðinni og hefur sú spurning vaknað hvort gallaþröskuldur 2. málsl. 18. gr. fasteignakaupalaga nr. 40/2002 (fkpl.) geti í einhverjum tilvikum verið ósanngjarn fyrir kaupanda fasteignar. Fasteignaverð hefur verið á hraðri uppleið á undanförnum árum en vísitala íbúðaverðs á höfuðborgarsvæðinu hækkaði til að mynda um 21,19% á tímabilinu júní 2016 - júní 2017 á meðan vísitala byggingarkostnaðar hefur verið tiltölulega stöðug og á sama tímabili lækkað um 0,15%. Miðað við þessa þróun hljóta ágallar á fasteignum að þurfa að vera sífellt kostnaðarsamari og umfangsmeiri svo þeir teljist gallar í lögfræðilegum skilningi samkvæmt gallaþröskuldi fkpl. Ákvæði 2. málsl. 18. gr. er hins vegar ekki algilt og er tilgangur ritgerðarinnar annars vegar að draga fram undantekningar þess innan fkpl. og hins vegar að greina frá ábyrgð annara aðila en seljanda sem grundvallast á öðrum reglum en þeim sem er að finna í fkpl. Fyrst verður farið yfir gallahugtak kröfuréttarins, bæði almennt og síðan sérstaklega í fasteignakaupum. Þá verða nefndar takmarkanir fasteignakaupalaga á gallahugtakinu, en þar verður ítarlega fjallað um gallaþröskuldinn. Í 3. kafla verður svo farið yfir önnur ákvæði fasteignakaupalaga er varða upplýsingaskyldu seljanda og takmarka gildissvið gallaþröskuldarins. Í 4. kafla verður farið yfir ábyrgð sérfræðinga á göllum sem byggist á öðrum lögum en fkpl. og í 5. kafla verða niðurstöður og umfjöllunarefni ritgerðarinnar dregin saman í lokaorð.

Samþykkt: 
  • 15.8.2017
URI: 
  • http://hdl.handle.net/1946/28691


Skrár
Skráarnafn Stærð AðgangurLýsingSkráartegund 
BA Vaka.pdf456.5 kBOpinnHeildartextiPDFSkoða/Opna
Yfirlýsing.pdf36.14 kBLokaðurYfirlýsingPDF