Rafrænt einelti er ofbeldi, ofbeldi er glæpur

Abstract

Í þessari ritgerð er fjallað um boðleiðir, tegundir og afleiðingar rafræns eineltis. Athugaðar verða erlendar rannsóknir á rafrænu einelti ásamt því að skoða niðurstöður hluta rannsóknar sem gerð var á heilsu og líðan grunnskólabarna á Íslandi þar sem spurt var um rafrænt einelti. Einnig verða kynntar niðurstöðureigindlegrar rannsóknar sem höfundar unnu á haustmánuðum 2008 þar sem kannað var viðhorf fagfólks, sem starfar með börnum og unglingum, til rafræns eineltis. Niðurstöður leiddu meðal annars í ljós að forvarnir eru það sem viðmælendur telja að skili bestum árangri í því að vinna gegn rafrænu einelti. Viðmælendur töldu að lykilþættirnir í forvörnum væru að fyrirbyggja með fræðslu, vitundarvakningu og eftirliti. Orðræða fagfólks á rafrænu einelti leiddi í ljós að stúlkur voru í flestum tilvikum taldar líklegri til að vera gerendur í rafrænu einelti en drengir.