Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28725
Ritgerð þessi fjallar um fullorðin systkini fatlaðra einstaklinga og ábyrgð þeirra gagnvart systkini sínu. Tilgangur ritgerðarinnar er að varpa ljósi á hvernig fullorðið fólk sem á fatlað systkini upplifir hlutverk sitt gagnvart því, til að opna umræðuna og benda á þarfir þessa hóps. Ritgerðin er í tveimur hlutum. Fyrri hlutinn byggist á fræðilegum heimildum um efnið en í síðari hlutanum er gerð grein fyrir eigindlegri rannsókn höfundar þar sem opin viðtöl við tvö systkini lögðu grunnin. Samhljómur er á milli helstu niðurstaðna fræðilega hlutans og rannsóknarhlutans. Niðurstöðurnar lýstu þeirri streitu sem fylgir því að þurfa að berjast fyrir réttindum fullorðinna fatlaðra systkina sinna og fylla í þær gloppur sem eru í opinberu þjónustunni. Hlutverk systkina er mikilvægt fyrir fatlaða einstaklinga, en er algjörlega sjálflært og nýtur einskis stuðnings, hvorki lagaleg séð né frá fagaðilum.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BA ritgerð Hrund.pdf | 904.24 kB | Opinn | Heildartexti | Skoða/Opna | |
skemman_yfirlysing_lokaverkefni_Hrund.pdf | 211.45 kB | Lokaður | Yfirlýsing |