is Íslenska en English

Lokaverkefni (Meistara) Háskólinn í Reykjavík > Tækni- og verkfræðideild > MEd / MPM / MSc verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/28956

Titill: 
  • Er áhætta öryggis virði? Öryggisviðmið framkvæmdaraðila í afþreyingarferðaþjónustu á Íslandi
Námsstig: 
  • Meistara
Útdráttur: 
  • Ekki eru til neinar samræmdar reglur um öryggi sem öll fyrirtæki í ferðaþjónustu á Íslandi þurfa að fara eftir og sú staða var kveikjan að rannsókn þessari. Viðfangsefni rannsóknar er að greina með hvaða hætti framkvæmdaraðilar afþreyingarfyrirtækja uppfylla öryggiskröfur sem settar eru fram í Leiðbeinandi reglum um öryggismál ferðaskipuleggjenda og ferðaskrifstofa við gerð öryggisáætlana. Núverandi staða öryggis- og áhættustjórnunar er metin með tilliti til framkvæmdar áhættumats, gerð verklagsreglna, viðbragðsáætlana og atvikaskýrslna. Rannsóknin er megindleg og byggir á spurningakönnun sem lögð var fyrir framkvæmdaraðila afþreyingarfyrirtækja, sem skilgreindir eru í hættuflokki þrjú samkvæmt Vakanum. Niðurstöður rannsóknar sýna að helmingur framkvæmdaraðila tileinkar sér Leiðbeinandi reglur um öryggismál við gerð öryggisáætlana. Þá sýna niðurstöður að 87-91% þátttakenda rannsóknarinnar telja að öryggiskröfur séu vel eða mjög vel settar fram í áhættumati, verklagsreglum og viðbragðsáætlunum fyrirtækjanna. Þá telja 75% þátttakenda öryggiskröfur vera vel eða mjög vel settar fram í atvikaskýrslum fyrirtækjanna. Á grunni niðurstaðna telja höfundar að helstu þarfir til umbóta í íslenskri ferðaþjónustu séu (1) að tryggja að áhættumat sé framkvæmt fyrir hverja skipulagða ferð, (2) að bjóða upp á fjölbreyttari menntun leiðsegjandi starfsmanna, sér í lagi fyrir hættumeiri afþreyingu, (3) að koma í veg fyrir að tungumálaörðugleikar eigi sér stað milli starfsmanna og viðskiptavina, (4) að tryggja æfingu viðbragðsáætlana og (5) að auka og nýta skráningu atvika í atvikaskýrslu, þá sérstaklega á frávikum og léttvægari atvikum sem geta nýst sem forvörn í öryggismálum.
    Efnisorð: Öryggi, áhætta, öryggisáætlun, áhættumat, verklagsreglur, viðbragðsáætlanir, atvikaskýrslur, ferðaþjónusta, afþreying, gæði. 

Samþykkt: 
  • 11.9.2017
URI: 
  • http://hdl.handle.net/1946/28956


Skrár
Skráarnafn Stærð AðgangurLýsingSkráartegund 
Er áhætta öryggis virði_lokaverkefni MPM.pdf1.76 MBOpinnHeildartextiPDFSkoða/Opna