Frelsi til að velja? Gísli Sveinsson og áhrif hans á fyrstu forsetakosningar íslensku þjóðarinnar.

Abstract

Viðfangsefni þessarar ritgerðar er forsetaframboð Gísla Sveinssonar árið 1952. Fjallað er um hver Gísli var, hvað hann afrekaði og hvað leiddi til þess að hann ákvað að fara í framboð. Farið er yfir kosningabaráttu og fylgi hans í öðru ljósi en áður hefur verið gert, ásamt því að rannsaka hvers vegna Gísli fékk ekki fleiri atkvæði en raun ber vitni. Að lokum er sýnt fram á hvort og þá hvernig þátttaka Gísla hafi haft áhrif á niðurstöður fyrstu forsetakosninga íslensku þjóðarinnar.