Alþjóðleg þróunarsamvinna fyrr og nú. Gagnrýnið sjónarhorn mannfræðinnar.

Abstract

Við upphaf 9. áratugarins var þróun orðin stór hluti af heiminum. Þótt 40 ár hafi liðið frá upphafi þróunaraðstoðar var fátækt og neyð enn stórt vandamál á svæðum þriðja heimsins. Á þessum tíma fóru mannfræðingar að velta fyrir sér hvað það væri sem þróunaraðstoð væri í raun og veru að gera. Fræðimenn á borð við Arturo Escobar og James Ferguson skoðuðu þróunaraðstoð og gagnrýndu störf hennar. Í þessari ritgerð verður fjallað um samband mannfræðinnar og þróunar. Farið verður niður í saumana á helstu gagnrýni sem þróunaraðstoð hefur fengið á sig af hálfu mannfræðinnar. Í síðasta þriðjungi ritgerðarinnar verður svo varpað ljósi á nýrra form af þróunarsamvinnu og leiðir til þess að stunda hana. Sýnt verður fram á að þrátt fyrir að þróunarstarf hafi breyst þar sem aukin áhersla er á siðferði verkefnanna á fyrri gagnrýni mannfræðinga enn fullan rétt á sér.