University of Akureyri

Fræðasvið Háskólans á Akureyri eru þrjú, heilbrigðisvísindasvið, hug- og félagsvísindasvið og viðskipta- og raunvísindasvið þar sem boðið er upp á vandað og yfirgripsmikið námsframboð á mörgum sviðum í grunn- og framhaldsnámi. Háskólinn á Akureyri hefur sérstöðu þar sem hann býður upp á sjö námsleiðir sem ekki eru í boði í öðrum háskólum landsins. Þær eru félagsvísindi, fjölmiðlafræði, iðjuþjálfunarfræði, líftækni, lögreglufræði, nútímafræði og sjávarútvegsfræði.

Rannsóknir eru einn af hornsteinunum í starfsemi Háskólans á Akureyri þar sem starfar fjöldi fræðimanna sem stunda fjölbreyttar rannsóknir.

Hlutverk Háskólans á Akureyri er að veita nemendum tækifæri til að öðlast menntun í metnaðarfullu og alþjóðlegu náms- og rannsóknarumhverfi. Háskólinn skapar fræðimönnum sínum umhverfi og aðstöðu til rannsókna og nýsköpunar sem stuðlar að vexti og framþróun íslensks samfélags í alþjóðlegu umhverfi. Háskólinn veitir nýjum straumum til landsins alls í gagnvirkum tengslum milli samfélagsins og háskólans.