is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/29174

Titill: 
  • Umboðsvandi ráðandi hluthafa. Ótilhlýðileg öflun fjármuna og eignarhluta
Námsstig: 
  • Meistara
Útdráttur: 
  • Þessari ritgerð er ætlað er að veita yfirsýn yfir umboðsvanda ráðandi hluthafa í hlutafélögum. Í því sambandi er einkum lögð áhersla á möguleika og hvata þeirra til ótilhlýðilegrar öflunar fjármuna félagsins og eignarhluta minnihluta hluthafa. Gerð er grein fyrir réttarstöðu minnihluta hluthafa og kröfuhafa gagnvart ráðandi hluthöfum að þessu leyti, en þar er megin áherslan lögð á stöðu minnihluta hluthafa. Auk þessa er með almennari hætti gerð grein fyrir ákvæðum laga og öðrum atriðum sem kunna að hafa áhrif á framkvæmd þessara ráðstafana ráðandi hluthafa. Í 2. kafla er fjallað með almennum hætti um umboðsvandann. Þar er vikið að því innan hvers konar eignarhalds vandinn kemur upp, hvernig hinir ráðandi hluthafar beita völdum sínum, og því hvernig hlutfallslegt ósamræmi á milli stjórnunarlegra réttinda og fjárhagslegra réttinda kann að magna vandann. Einnig er þar vikið að reglunni um svigrúm til töku viðskiptaákvarðana (e. Business judgement rule) og atriðum sem kunna að veita neikvæðum afleiðingum hennar mótvægi. Í 3. kafla er fjallað um það hvernig leitast er við að tempra umboðsvandann. Fjallað er um hagsmuni minnihluta hluthafa og kröfuhafa í því sambandi. Í umfjöllun um minnihlutavernd er vikið að ýmsum ákvæðum hlutafélagalaga þar að lútandi, en þar fá ákvæði 76. og 95. gr. laganna mesta athygli. Umfjöllun um kröfuhafavernd er stutt og er þar aðeins reynt að veita grófa yfirsýn yfir þau helstu úrræði sem kröfuhöfum stendur til boða gegn tækifærissinnaðri háttsemi hinna ráðandi aðila. Í 4. kafla er fjallað um ótilhlýðilega öflun fjármuna og eignarhluta. Þar er vísað til hinna ýmsu aðferða sem ráðandi aðilar kunna að beita í því skyni að komast yfir fjármuni félagsins og eignarhluti minnihlutans. Koma þar til skoðunar aðferðir á borð við sölu og kaup verðmæta á yfir- eða undirverði, lántaka með óhagstæðum vaxtakjörum, misnotkun hlutafjárhækkunar o.fl. Einnig er fjallað um reglur sem kunna að hafa óbein áhrif á þessa háttsemi. Koma þar til skoðunar ákvæði skattalaga, reglur um opinbera upplýsingaskyldu o.fl. Í 5. kafla er reglan um svigrúm til töku viðskiptaákvarðana tekin til nánari skoðunar með hliðsjón af því svigrúmi sem hún kann að veita ráðandi aðilum til misnotkunar á stöðu sinni. Fjallað er um efnið með almennum hætti auk þess sem sérstök grein er gerð fyrir sérstöðu starfskjara að þessu leyti. Í 6. kafla er gerð samantekt á helstu atriðum og gerð grein fyrir helstu niðurstöðum.

Samþykkt: 
  • 18.10.2017
URI: 
  • http://hdl.handle.net/1946/29174


Skrár
Skráarnafn Stærð AðgangurLýsingSkráartegund 
Meistararitgerd - Lokautgafa.pdf1.04 MBLokaður til...01.01.2100HeildartextiPDF
Undirrituð yfirlýsing.pdf229.49 kBLokaðurYfirlýsingPDF