Fálkafár á Íslandi

Abstract

Á áttunda og níunda áratug síðustu aldar komu erlendir fálkaþjófar til Íslands í þeim ólöglega tilgangi að hafa á brott með sér íslenska fálkaunga og egg í hagnaðarskyni. Þegar spurnir bárust af komu þessara einstaklinga til landsins vakti það mikla athygli almennings, fjölmiðla, eftirlitsaðila og stjórnvalda. Upphaf þessa fálkafárs má rekja til ársins 1976 og má segja að því hafi lokið árið 1987. Markmið þessarar ritgerðar er að skoða stuld á fálkaungum og eggjum á tímabilinu sem um ræðir og greina hverjir þjófarnir voru og hvort þeir nutu innlendrar aðstoðar ásamt því að greina viðbrögð stjórnvalda við vandanum.