Áhrif skynmyndaþjálfunar á sjálfstraust og upplifaða getu

Abstract

Í þessari rannsókn var kannað hvort munur væri á áhrifum þess að nota skynmyndir sem innihalda endurupplifun á góðri frammistöðu samanborið við skynmyndir sem innihalda leiðréttingu á mistökum á sjálfstraust og upplifaða getu. Þátttakendur voru 25 kvenkyns körfuknattleiksiðkendur. Þátttakendum var skipt í þrjá hópa, tvo tilraunahópa og einn samanburðarhóp. Tilraunahóparnir fengu þjálfun í skynmyndum en samanburðarhópurinn gerði yoga stöður. Rannsóknin stóð yfir í þrjár vikur og niðurstöður hennar sýndu að bæting varð á sjálfstraust og skýrleika skynmynda yfir tíma óháð inngripi en að upplifuð geta jókst háð því hvaða inngripi var notað. Lykilorð: skynmyndir, skynmyndaþjálfun, íþróttamaðurinn, sjálfstraust, upplifuð geta, skýrleiki