Hvert er viðhorf foreldra til samlesturs bóka með börnum sínum? : kostir þess að nota lestraraðferðina samræðulestur

Abstract

Tilgangur þessa verkefnis er að skoða hvert viðhorf foreldra til samlesturs bóka með börnum sínum er ásamt því að skoða kosti þess að nýta lestraraðferðina samræðulestur við lesturinn. Lagður var spurningalisti fyrir foreldra barna í 1. og 2. bekk í grunnskóla á landsbyggðinni. Niðurstöður gefa til kynna að vilji foreldra til þess að lesa bækur með börnum sínum sé til staðar, þeir upplifi lestrarstundina sem gæðastund og séu meðvitaðir um kosti þess að lesa fyrir barnið. Jákvætt viðhorf foreldra til lestursins skiptir því höfðumáli til þess að kostir lestursins skili sér til barnsins og stundin sé upplifuð á jákvæðan hátt fyrir báða aðila. Einnig var rætt við tvo leikskólastjóra í sama bæjarfélagi til þess að fá hugmynd um hvort, og þá hvernig, leikskólar gætu séð um fræðslu á slíkri lestraraðferð fyrir foreldra. Ég bendi líka á ástæður til að ætla að jákvætt viðhorf foreldra til lesturs sé mikilvægt og að aukin samvinna foreldra og skóla um notkun lestaraðferðarinnar samræðulestur geti stuðlað að framförum íslenskra barna í lestri og lesskilningi.