Próffræðilegir eiginleikar þriggja kvarða sem meta einkenni á sviði áráttu- og þráhyggju í úrtaki 12-16 ára unglinga

Abstract

Markmið þessarar rannsóknar var að kanna próffræðilega eiginleika þriggja kvarða sem notaðir eru til þess að meta áráttu- og þráhyggjueinkenni hjá unglingum. Þeir voru Þráhyggjukvarði Leytons fyrir börn og unglinga (Leyton Obsessional Inventory- Child Version; LOI-CV), Styttri útgáfa Þráhyggjukvarða Leytons fyrir börn og unglinga (Short Leyton Obsessional Inventory- Child Version; SLOI-CV) og Stutti áráttu og þráhyggjukvarðinn (Short OCD Questionnaire; SOC. Listarnir voru lagðir fyrir 127 unglinga á aldrinum 12-16 ára ásamt þungyndiskvarða CES-DC (Center for Epidemiological Studies Depression Scale for Children) til þess að athuga aðgreiningarréttmæti kvarðanna.