en English is Íslenska

Thesis (Bachelor's)

University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/29790

Title: 
  • Title is in Icelandic Lok kröfuréttinda: Slit fyrningar í tengslum við greiðsluaðlögun einstaklinga samkvæmt lögum nr. 101/2010.
Degree: 
  • Bachelor's
Abstract: 
  • Abstract is in Icelandic

    Lög nr. 101/2010, um greiðsluaðlögun einstaklinga, voru sett í kjölfar efnahagshrunsins árið 2008 en eins og kunnugt er lentu íslensk heimili í miklum fjárhagslegum erfiðleikum. Markmið greiðsluaðlögunar er að endurskipuleggja fjárhag umsækjenda og koma á jafnvægi milli skulda og greiðslugetu þeirra sbr. 1. mgr. 1. gr. laganna.
    Á undanförnum árum hafa ýmis álitaefni vaknað í tengslum við greiðsluaðlögun og framkvæmd hennar. Eitt af þeim eru möguleikar kröfuhafa á að slíta fyrningu krafna sinna en skv. 11. gr. laganna fer skuldari í eins konar greiðsluskjól meðan á greiðsluaðlögunarumleitunum stendur og er kröfuhöfum skylt að halda að sér höndum við innheimtu á meðan. Slíkt leiðir jafnframt til þess að möguleikar kröfuhafa á að rjúfa fyrningu skerðast en þegar lög nr. 101/2010 voru sett var ekki gert ráð fyrir því að greiðsluaðlögunarumleitanir tækju jafn langan tíma og reynst hefur.
    Ritgerðin miðar að því að upplýsa um gildandi rétt í þessum efnum og varpa ljósi á þau úrræði sem standa kröfuhöfum til boða við slit fyrningar á meðan verið er að kanna hvort samningur náist um greiðsluaðlögun.
    Í öðrum kafla verður fjallað um fyrningu kröfuréttinda með almennum hætti, þ.e. um lög nr. 150/2007 um fyrningu kröfuréttinda, fyrningarfresti, slit fyrningar, réttaráhrif slita á fyrningu og fyrningar. Einungis verður þó stiklað á stóru í framangreindum atriðum. Í þriðja kafla verður fjallað um greiðsluaðlögun samkvæmt lögum nr. 101/2010 en þar verður framkvæmd laganna helst rakin og reynt að varpa ljósi á þá hagsmuni sem undir eru þegar kemur að greiðsluaðlögun. Þá verður í fjórða kafla leitast við að gera grein fyrir fyrningu kröfuréttinda í tengslum við greiðsluaðlögun einstaklinga á Íslandi, hvaða ráðstafanir koma til greina sem slitið geta fyrningu og fyrirliggjandi dómaframkvæmd skoðuð. Íslenskur réttur verður borinn saman við norskan og danskan og leitast verður við að upplýsa um hvernig nágrannar okkar hafa hagað reglum um fyrningu í tengslum við greiðsluaðlögun einstaklinga. Ástæða samanburðarins er að íslenska löggjöfin á rætur sínar að rekja til norsku greiðsluaðlögunarlaganna, sem aftur eiga rætur sínar að rekja til Danmerkur. Að lokum verða niðurstöður dregnar saman í lokakafla ritgerðarinnar.

Accepted: 
  • Apr 11, 2018
URI: 
  • http://hdl.handle.net/1946/29790


Files in This Item:
Filename Size VisibilityDescriptionFormat 
Ivana Anna Nikolic - Lok kröfuréttinda - lokaútgáfa.pdf633.14 kBLocked Until...2118/04/04Complete TextPDF
Yfirlysing - skemman.jpg218.07 kBLockedYfirlýsingJPG