is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/29795

Titill: 
  • Meginreglan um milliliðalausa sönnunarfærslu með hliðsjón af dómstólaskipan
Námsstig: 
  • Bakkalár
Leiðbeinandi: 
Útdráttur: 
  • Eftir setningu Dönsk-íslensku sambandslaganna, sem tóku gildi 1. desember 1918, var Ísland viðurkennt fullvalda ríki í konungssambandi við Danmörku. Árið 1919 var ákveðið með lögum að stofna Hæstarétt Íslands og tók hann til starfa ári síðar. Við það urðu dómstigin tvö á Íslandi og var sú skipan við lýði allt þar til Landsréttur tók til starfa í janúar 2018. Tveggja dómstiga kerfi þekkist hvorki á Norðurlöndunum né þeim ríkjum Evrópu sem Íslendingar bera sig almennt saman við. Það fyrirkomulag hefur í gegnum tíðina verið gagnrýnisvert og þá sérstaklega fyrir það að fara gegn meginreglunni um milliliðalausa sönnunarfærslu. Í þeirri reglu felst að sá dómari, sem dæma á mál, tekur skýrslur af vitnum og ákærða og sönnunargögn eru einnig færð fyrir hann, sbr. 1. mgr. 111. gr. og 1. mgr. 112. gr. laga nr. 88/2008 um meðferð sakamála (hér eftir sml. eða sakamálalög). Reglan er einnig þáttur í fyrirmælum 1. mgr. 70. gr. stjórnarskrá lýðveldisins Íslands nr. 33/1944 og 1. mgr. 6. gr. mannréttindasáttmála Evrópu um réttláta málsmeðferð. Með lögum nr. 50/2016 sem tóku gildi 1. janúar 2018 var komið á þriggja þrepa dómskerfi á Íslandi. Samkvæmt núverandi dómstólaskipan eru því þrjú dómstig á Íslandi, héraðsdómstólar, Landsréttur og Hæstiréttur.
    Aðalviðfangsefni ritgerðarinnar er umfjöllun um áhrif stofnunar millidómstigs á milliliðalausa sönnunarfærslu. Skoðað verður hvernig málsmeðferð fyrir Landsrétti verður háttað með tilliti til sönnunarfærslu og leitast verður við að svara því með hvaða hætti meginreglan um milliliðalausa sönnunarfærslu er tryggð fyrir Landsrétti. Í ritgerðinni verður lögð áhersla á meginregluna út frá sakamálum. Ástæðan fyrir því er einfaldlega vegna þess að reglan er meira áberandi í þeim málum. Ritgerðin skiptist í fjóra kafla og verður stuttlega fjallað um efni þeirra hér. Í öðrum kafla ritgerðarinnar er fjallað um meginregluna um réttláta málsmeðferð og inntak hennar. Þar sem meginreglan um milliliðalausa sönnunarfærslu er hluti af meginreglunni um réttláta málsmeðferð verður henni einnig gerð greiðargóð skil í öðrum kafla. Í þriðja kafla er fjallað um dómstólaskipan. Farið verður yfir þróun íslenskra dómstóla, aðdraganda að tilkomu Landsréttar auk þess sem fjallað verður um hvernig málsmeðferð og sönnunarfærslu er þar háttað. Einnig verður í þeim kafla fjallað lauslega um norrænt fyrirkomulag millidómstigs og framkvæmd sönnunarfærslu. Í fjórða kafla ritgerðarinnar er efni ritgerðarinnar dregið saman. Einnig verður fjallað um dómaframkvæmd þar sem það á við.

Samþykkt: 
  • 11.4.2018
URI: 
  • http://hdl.handle.net/1946/29795


Skrár
Skráarnafn Stærð AðgangurLýsingSkráartegund 
BA_ritger.docx.pdf515.87 kBOpinnHeildartextiPDFSkoða/Opna
1.pdf33.06 kBLokaðurYfirlýsingPDF