is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/29808

Titill: 
  • Sönnun tjóns í vinnuslysum með áherslu á hlutverk Vinnueftirlits ríkisins og áhrif skýrslu þess
Námsstig: 
  • Bakkalár
Útdráttur: 
  • Ritgerð þessi fjallar um sönnun tjóns þegar vinnuslys verður og með hvaða hætti aðkoma Vinnueftirlits ríkisins hefur áhrif, hvort sem fullnægjandi rannsókn hefur farið fram eða ekki. Vinnueftirlitið er miðstöð vinnuverndarstarfs í landinu og byggir starf sitt á samþættingu eftirlits, fræðslu og rannsókna. Vinnueftirlit ríkisins starfar á grundvelli laga um aðbúnað, hollustuhætti og öryggi á vinnustöðum nr. 46/1980 með síðari breytingum nr. 80/2015. Tilgangur og markmið laganna er að tryggja öruggt og heilsusamlegt starfsumhverfi. Til að fullnægja því hlutverki getur Vinnueftirlit ríkisins þurft að sinna margþættu eftirliti, þar á meðal að fara í vettvangskannanir til að rannsaka orsakir slysa, óhappa og mengunar en tilgangur slíkra rannsókna er að koma í veg fyrir að slíkt geti endurtekið sig sbr. 1. mgr. 81. gr. laga um aðbúnað, hollustuhætti og öryggi á vinnustöðum. Vinnueftirlit ríkisins starfar einkum á grundvelli XII. kafla laganna er ber heitið Vinnueftirlit ríkisins. Lög um aðbúnað, hollustuhætti og öryggi á vinnustöðum tóku gildi 1. janúar 1981 sbr. 100. gr. laganna. Hafa lögin síðan þá tekið nokkrum breytingum en kjarni þeirra virðist hafa staðist tímans tönn. Er því um að ræða 37 ára framkvæmd við beitingu þessara laga og þar með mótun hlutverks Vinnueftirlits ríkisins. Lögin eru mjög víðtæk en skv. 1. mgr. 2. gr. laganna taka þau til allrar starfsemi þar sem einn eða fleiri menn vinna með þeim undantekningum sem getið er í 2. mgr. 2. gr. laganna. Er því ljóst að lögin taka til allflestra vinnustaða á landinu.
    Meginspurning sú sem ritgerð þessari er ætlað að svara er hvort og með hvaða hætti aðkoma Vinnueftirlits ríkisins hefur áhrif á stöðu tjónþola og eftir atvikum, vinnuveitanda, til sönnunar fyrir dómstólum. Reifaðir eru dómar og skoðaðar reglur sem eiga við í ljósi dómanna. Er sérstaklega skoðað hvaða áhrif skýrsla Vinnueftirlits ríkisins kann að hafa og vanræksla vinnuveitanda á tilkynningarskyldu sinni skv. ákvæðum laga um aðbúnað, hollustuhætti og öryggi á vinnustöðum.

Samþykkt: 
  • 13.4.2018
URI: 
  • http://hdl.handle.net/1946/29808


Skrár
Skráarnafn Stærð AðgangurLýsingSkráartegund 
BA-ritgerð-Hörður-PDF-FINAL..pdf269.13 kBLokaður til...16.04.2030HeildartextiPDF
Skemman yfirlýsing Hörður.pdf96.66 kBLokaðurYfirlýsingPDF