is Íslenska en English

Lokaverkefni (Bakkalár) Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/29843

Titill: 
  • Breyting eða stöðugleiki ásýndar? Hverjir eru helstu hvatar fyrirtækja til að breyta nafni, kennimerki og slagorði?
Námsstig: 
  • Bakkalár
Útdráttur: 
  • Auðkenning (e. branding) er í dag eitt mikilvægasta verkefni markaðsstarfsins. Orðið vörumerki nær ekki yfir alla þá þætti sem orðið „brand” stendur fyrir og var því notast við hugtökin auðkenni og auðkenning þess í stað. Auðkenning nær meðal annars yfir þá þætti auðkennis (e. brand elements) sem notaðir eru til aðgreiningar. Lögð var sérstök áhersla á þá þætti sem taldir eru mikilvægastir, það er; nafn, kennimerki og slagorð. Þetta eru þeir þættir sem neytendur taka mest eftir, komast efst í huga og minni þeirra og geta þar að leiðandi haft áhrif á kaupákvarðanir. Þessum þáttum er oft breytt og eru ýmsar ástæður fyrir því. Tilgangur þessarar ritgerðar var að komast að því hverjir helstu hvatar fyrirtækja væru til að gera breytingar á þessum þáttum.
    Talið er að nafn sé mikilvægasti þáttur auðkennis, en um leið sá þáttur sem er erfiðast að breyta. Að breyta nafni auðkennis er langt og strangt ferli og dýrt í framkvæmd. Ýmsar ástæður geta legið að baki nafnabreytingum, til dæmis lagalegar ástæður ef, til að mynda, er notað nafn sem nú þegar er skrásett. Breytingar geta einnig verið gerðar til þess að gefa réttari mynd af starfseminni og því sem auðkennið stendur fyrir. Enn fremur geta samrunar og yfirtökur ýtt undir nafnabreytingar, en þær geta einnig stafað af alþjóðavæðingu og auknum umsvifum á erlendum mörkuðum. Að lokum geta nöfn verið stytt í skammstafi.
    Kennimerki (e. logo) er auðveldara að breyta, en fyrirtæki eyða miklum tíma, rannsóknum og peningum í að þróa þau. Uppfæring kennimerkja er talin nauðsynlegur hluti markaðsstarfs. Margar ástæður geta legið að baki breytinga, til dæmis til að gera kennimerki skýrara, einfaldara og nútímalegra eða til að opna fleiri markaði og ný tækifæri. Einnig þarf oft að aðlaga þau þegar farið er á erlendan markað og sömuleiðis við samruna og yfirtökur.
    Slagorð (e. slogan) er ef til vill sá þáttur sem auðveldast er að breyta. Sumir telja nauðsynlegt að uppfæra slagorð, en aðrir eru annarar skoðunar. Slagorð eru í stöðugri endurskoðun og getur breyting þess stafað af markaðsherferð sem er í gangi í ákveðinn tíma eða nýrri stefnu og áherslum. Hún getur einnig verið vegna endurauðkenningar eða stefnu á alþjóðlegan markað.

Samþykkt: 
  • 23.4.2018
URI: 
  • http://hdl.handle.net/1946/29843


Skrár
Skráarnafn Stærð AðgangurLýsingSkráartegund 
Breyting_eda_stodugleiki_asyndar - Lokaskil.pdf776.77 kBOpinnHeildartextiPDFSkoða/Opna
Yfirlysing_Skemman.pdf301.33 kBLokaðurYfirlýsingPDF