Úrvinnslukenning Pienemanns. Tileinkunarstig í millimáli Tomma

Abstract

Ritgerðin er byggð upp með þeim hætti að í fyrst er saga annarsmálsfræða rakin í stuttu máli til að gefa hugmynd um með hvaða hætti fræðigreinin hefur þróast. Síðan er sjónum beint að kenningu sem þýskur fræðimaður að nafni Manfred Pienemann setti fram árið 1998. Kenninguna kallar hann Processability Theory. Kenning þessi lýtur að tileinkun annars máls og þróuninni allt frá byrjunarstigi uns tökum hefur verið náð á hinu nýja tungumáli. Að lokum er kynntur erlendur málhafi, Tommi sem var að læra íslensku sem annað mál. Skoðaðar eru fjórar upptökur sem gerðar voru yfir rúmlega sjö mánaða tímabil í þeim tilgangi að sjá með hvaða hætti mál hans þróaðist. Málþróun hans er síðan borin saman við kenningu Pienemanns til að sjá hvort tileinkun hans fylgi því ferli sem kenning Pienemanns spáir fyrir um.