Má búa til viðhorf án vitundar? Um matstengda skilyrðingu undir skynmörkum

Abstract

Skýrt er frá þremur tilraunum þar sem reynt var að móta viðhorf til hlutlausra áreita án vitundar þátttakenda. Í öllum tilvikum var um að ræða aðferð við matstengda skilyrðingu undir skynmörkum. Mælingar voru bæði beinar (explicit) og óbeinar (implicit). Í engri tilrauninni komu fram mælanleg áhrif matstengdrar skilyrðingar þegar viðhorf voru mæld með beinum mælingum. Í tilraun tvö komu fram öfug áhrif skilyrðingar í mælingu viðhorfa með tilfinningalegri ýfingu undir skynmörkum (subliminal affective priming). Niðurstöðurnar eru túlkaðar í samræmi við aðrar rannsóknir á matstengdri skilyrðingu og sjálfvirkni í hegðun.