Áhrif tvísúlfíðtengis milli eininga í tvíliða og kuldavirkum alkalískum fosfatasa úr Vibrio örveru á hvötunargetu ensímsins

Abstract

Kuldavirk ensím hafa meiri hvötunargetu og eru óstöðugri en samsvarandi prótein í lífverum sem lifa í meðalheitu umhverfi. Rannsóknir á þeim gætu gefið vísbendingar um það hvaða þættir í byggingu og eiginleikum ensíma ráða hvötunarhæfni þeirra. Verkefninu sem hér er til umfjöllunar er ætlað að leggja til frekari upplýsingar um það hvaða þættir ráða þessum eiginleikum.Framkvæmdar voru stökkbreytingar á kuldavirka og tvíliða ensíminu alkalískum fosfatasa úr Vibrio örveru. Ein þeirra olli myndun tvísúlfíðbrúar milli eininganna tveggja. Hún olli minnkaðri hvötunarvirkni en hafði lítil áhrif á heildarstöðugeika ensímsins. Stöðugleiki hvarfsetsins minnkaði hins vegar umtalsvert. Hugsanlega má rekja þessa niðurstöðu til þess að hreyfanleiki á mótum einliðanna í ensíminu minnki sem hindrar losun fosfats við vatnsrofsaðstæður.