Huxa í mótun. Vægi þarfagreiningar við uppsetningu vefs

Abstract

Verkefni þetta er tvíþætt og er lokaverkefni til M.A prófs í hagnýtri menningarmiðlun við Háskóla Íslands. Verkefnið skiptist annars vegar í vefinn huxa.is og hins vegar þessa greinargerð. Gerð vefsins huxa.is skiptist í þrjá hluta sem eru þarfagreining, efnisvinnsla og uppsetning vefs. Sá hluti var unnin í samvinu við samnemanda minn Dagbjörtu Tryggvadóttur. Greinargerðin leggur upp með rannsóknarspurninguna Hvernig nýtast niðurstöður þarfagreiningar sem best til að hámarka notendaupplifun á vef? Í fyrsta kaflanum er skoðað hvort að tengsl séu á milli góðrar notendaupplifunar og rannsókna og skilnings á þörfum notenda. Þar eru skilgreind viðeigandi hugtök eins og menning, samfélag, neytendur, notendur og notendaupplifun. Í kafla tvö er sett fram tilgáta sem er samsett af forsendum höfunda vefsins í upphafi verkefnis. Í kaflanum er kafað í þarfagreiningarferlið og útskýrt hvernig niðurstöður sérstakra þátta þess voru notaðar til þess að móta tilgátuna Í kafla þrjú er fjallað um miðlunarhlutann sem felur í sér gerð þarfagreiningarinnar og uppsetningu vefsins. Framtíðarsýn vefsins er útskýrð og gerð er grein fyrir stofnkostnaði verkefnisins. Að lokum eru helstu niðurstöður dregnar saman.