en English is Íslenska

Thesis (Master's)

University of Iceland > Hugvísindasvið > Meistaraprófsritgerðir - Hugvísindasvið >

Please use this identifier to cite or link to this item: http://hdl.handle.net/1946/29959

Title: 
  • Title is in Icelandic Táknmyndir kynþokkans: frá Marilyn Monroe til Kim Kardashian - Um aukna sjálfsmiðlun einstaklinga á samfélagsmiðlum og meðvitaða og ómeðvitaða sjálfshlutgervingu á líkama og persónu í kjölfarið
Degree: 
  • Master's
Abstract: 
  • Abstract is in Icelandic

    Ritgerðin fjallar um miðlun á sjálfi á samfélagsmiðlum og hvernig einstaklingurinn nýtir sér fyrirframgefnar ímyndir og táknmyndir úr dægur – og frægðarmenningunni og frá öðrum fjölmiðlum í sjálfsmiðlun sinni. Gert verður grein fyrir því hvernig notendur myndrænna samfélagsmiðla á borð við Instagram eru með notkun sinni að hlutgera sjálfan sig. Skoðuð verður kerfisbundin hlutgerving á kvenlíkamanum í fjölmiðlum í ljósi frægðarmenningar samfélagsins og sjónum þá aðallega beint að stærstu kyntáknum dægurmenningarinnar, þeim Marilyn Monroe og Kim Kardashian. Reynt verður síðan að svara því hvers vegna ungar konur ákveða að hlutgera eigin líkama og eigin persónu gagngert með miðlun sinni á samfélagsmiðlinum Instagram þrátt fyrir að samfélagsmiðlar eigi að færa notendum sínum tiltekið frelsi. Neytendur eru ekki lengur óvirkir heldur hafa nýmiðlar og tækninýjungar fært þeim vald í hendurnar og hafa þeir því umbreyst í svokallaða framneytendur (e. prosumers) . Í upphafi verður sjálfið og sjálfsmótun einstaklinga skoðuð og þá aðallega í tengslum við mótun kyngervis út frá hugmyndum Judith Butler en einnig út frá hugmyndum Erving Goffman um performatív tilhneigingu í hversdagslífi. Síðan verður litið til áhrifa nýrra miðla á sjálfsmótun einstaklinga og hvernig samfélagsmiðillinn Instagram litar menningu nútímans á sama tíma og miðlun notenda hans byggir á gömlum og rótgrónum hugmyndum um kyngervi og ímyndasköpun. Byggt verður á hugmyndum John Berger og verki hans Ways of Seeing frá 1972, um hvernig við sjáum og lesum í myndræna miðlun. Auk þess sem að vangaveltum um framsetningu á sjálfi í tengslum við ofurraunveruleika verður skoðuð í ljósi kenningar Jean Baudrillard um eftirlíkingar og ofurraunveru. Einnig verður litið til nýrri fræðigreina og tímaritsgreina um áhrif samfélagsmiðla og um sjálfsmiðlun einstaklinga ásamt því að hugmyndir um vald og valdatengsl verða settar í samhengi.
    Lykilhugtök: táknmyndir,frægðarmenning, samfélagsmiðlar, sjálfsmiðlun, sjálfsvera, hlutgerving, samfélagsmiðlar, kyngervi, félagsmótun, framneytandi, gægjuhneigð, raunveruleikasjónvarp, ofurraunvera, vald, menningarlegt auðmagn, sjónarspil.

Accepted: 
  • May 7, 2018
URI: 
  • http://hdl.handle.net/1946/29959


Files in This Item:
Filename Size VisibilityDescriptionFormat 
Díana Sjöfn Jóhannsdóttir.pdf882.38 kBOpenComplete TextPDFView/Open
0CC4F657-8002-4B09-A51F-C1720F99158F.jpeg1.83 MBLockedYfirlýsingJPG