is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/29983

Titill: 
  • Hver er geta smáríkja til þróunarsamvinnu? Þróunarsamvinna Íslands
Námsstig: 
  • Bakkalár
Útdráttur: 
  • Hefðbundnar kenningar í alþjóðastjórnmálum gera einungis grein fyrir áhrifum og getu stærri ríkja í alþjóðakerfinu. Þar skipta mælanlegir þættir á borð við íbúafjölda og stærð hagkerfis og herafla öllu máli. Í þeim skilningi búa smáríki sem eru fámenn, efnahagslega og hernaðarlega veik eins og Ísland ekki yfir getu til að hafa áhrif í alþjóðakerfinu. Smáríkjakenningar og félagsleg mótunarhyggja hafna þessu og leggja áherslu á mýkri og huglægari hluti í alþjóðakerfinu eins og þróunarsamvinnu og stöðu smáríkja í alþjóðakerfinu. Með mjúku valdi, aðlaðandi menningu, góðum hugmyndum og sérhæfingu á tilteknum sviðum geta smáríki verið frumkvöðlar og fyrirmyndir ákveðinna viðmiða og gilda og þar af leiðandi skapað sér sérstöðu og haft áhrif í alþjóðakerfinu. Þessi ritgerð reynir að greina getu smáríkisins Íslands til þróunarsamvinnu. Tekið er tillit til stöðu Íslands sem smáríkis og Ísland sett inni í kenningaramma Baldurs Þórhallssonar sem skilgreinir ríki út frá sex flokkum. Til að greina getu Íslands er ítarlega farið yfir bæði tvíhliða og marghliða þróunarsamvinnu Íslands og stöðu landsins gagnvart þeim ríkjum sem Ísland á til að bera sig saman við, Norðurlöndin og Lúxemborg. Niðurstöður ritgerðinnar gefa til að kynna að Ísland hafi getu til að taka þátt í þróunarsamvinnu en getan takmarkast við þau svið sem Ísland sérhæfir sig á þ.e kynjajafnrétti, jarðhiti, landgræðsla og fiskimál. Ísland stendur þó langt að baki Norðurlöndunum og Lúxemborg í fjárframlögum til þróunarsamvinnu. Þau hafa sannað að smáríki geti lagt hlutfallslega jafn mikið til málaflokksins og stærri ríki ef metnaður og forgangsröðun er til staðar. Ísland gæti verið á sama stað og þessi ríki þar sem Ísland er eitt af ríkustu ríkjum heims en metnaður og forgangsröðun íslenskra stjórnvalda liggja einfaldlega á öðrum sviðum en þróunarsamvinnu.

Samþykkt: 
  • 7.5.2018
URI: 
  • http://hdl.handle.net/1946/29983


Skrár
Skráarnafn Stærð AðgangurLýsingSkráartegund 
Hver er geta smáríkja til þróunarsamvinnu. BA ritgerð í stjórnmálafræði Skemman.pdf899.21 kBOpinnHeildartextiPDFSkoða/Opna
Yfirlýsing.pdf292.04 kBLokaðurYfirlýsingPDF