Notkun straumlínustjórnunar við birgðastjórnun

Abstract

Viðfangsefni þessa ritgerðar er notkun straumlínustjórnunar við birgðastjórnun. Fjallað verður um birgðastjórnun og straumlínustjórnun hvort í sínu lagi og svo litið til hvernig hægt er að nýta aðferðir straumlínustjórnunar til að hjálpa við stjórnun birgða innan fyrirtækja. Birgðir er skilgreindar sem vörur sem fyrirtæki eiga hjá sér og eiga annað hvort eftir að vera notaðar í eða við framleiðslu eða eru fullunnar vörur sem bíða eftir að verða seldar. Birgðir bera töluverðan kostnað með sér. Einhversstaðar verður að geyma þær allar og ef of miklar birgðir eru til staðar er gríðarlega mikill peningur fyrirtækisins bundinn í birgðum sem hægt væri að nýta í aðrar fjárfestingar. Aðalmarkmið birgðastjórnunar er að lágmarka þennan kostnað án þess að hafa áhrif á það stig þjónustu sem fyrirtækið vill viðhalda.Algengt er hjá fyrirtækjum að nota birgðir sem höggpúða til að takast á við þau vandamál sem koma upp í framleiðslu. Þetta verður til þess að birgðir aukast eftir því sem vandamálunum fjölgar og stækkar. Straumlínustjórnun skilgreinir birgðir sem ein af sóununum sjö sem ber að takmarka eftir bestu getu. Árangursrík leið til að takmarka þessa sóun er að takast á við þau vandamál sem koma upp og leysa þau í stað þess að fela þau með auknum birgðum. Notkun straumlínustjórnunar til að aðstoða við birgðastjórnun er því í raun ferli í að leysa vandamál og þar með minnka þörfina á miklum birgðum. Þar með er vel hægt að nýta sér aðferðir straumlínustjórnunar á árangursríkan hátt til að aðstoða við birgðastjórnun.