is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/30066

Titill: 
  • Konur og vímuefnaröskun
Námsstig: 
  • Bakkalár
Útdráttur: 
  • Vímuefnaneysla kvenna hefur aukist á undanförnum áratugum og hafa rannsóknir leitt í ljós að konur með vímuefnaröskun glími við annars konar vanda og hindranir í bata sínum en karlar, jafnframt eru konur með vímuefnavanda einstakur hópur með sértæka áhættuþætti sem þurfa sérstaka athygli og meðferð sem tekur mið af þörfum þeirra. Viðfangsefni þessarar ritgerðar er konur og vímuefnaröskun og markmið verkefnisins er að afla vitneskju um hvaða áhrif vímuefnaneysla hefur á andlega og tilfinningalega, líkamlega og félagslega heilsu hjá konum með vímuefnaröskun. Helstu hugtök og skilgreiningar sem tengjast áfengi, vímuefnum og vímuefnaröskun verða kynnt. Fjallað er um sérþarfir kvenna í meðferð og sértæka kvennameðferð auk þess eru meðferðarúrræði á Íslandi fyrir konur með vímuefnavanda skoðuð. Félagsráðgjafar eru alla jafna í lykilhlutverki fagaðila sem veita þjónustu til einstaklinga með vímuefnaröskun og komið er inn á mikilvægi þeirra í þjónustu og þróun úrræða þegar kemur að vímuefnameðferð. Niðurstöður rannsókna sýna að konur þróa hraðar með sér vímuefnaröskun samanborið við karla og að ofneysla áfengis og/eða annarra vímuefna hefur mikil áhrif á heilsu kvenna og eru þær líklegri til að upplifa alvarlegri vandamál og verri heilsufarslegri afleiðingar af neyslu sinni en karlar. Rannsóknir sýna að sterk tengsl eru á milli áfalla og vímuefnaröskunar hjá konum ásamt því að konur sem koma til meðferðar eiga sér oftar áfallasögu en karlar og sýndu niðurstöður rannsókna að þjónusta og meðferðarmarkmið fyrir konur með vímuefnaröskun eigi að taka tillit til sérþarfa þeirra og huga eigi að samþættum meðferðaráætlunum þar sem líkamlegum, andlegum og félagslegum þörfum er mætt, auk þess að þjónusta sé til staðar fyrir börn þeirra og huga þurfi betur að kynjamiðaðri meðferð.
    Lykilorð: konur, vímuefnaröskun, sértækar þarfir kvenna, vímuefnameðferð, félagsráðgjöf.

Samþykkt: 
  • 8.5.2018
URI: 
  • http://hdl.handle.net/1946/30066


Skrár
Skráarnafn Stærð AðgangurLýsingSkráartegund 
Stefanía Þóra Jónsdóttir_BA_ritgerð_Konur og vímuefnaröskun_Lokaskil.pdf777.54 kBOpinnPDFSkoða/Opna
Yfirlýsing_Stefanía Þóra Jónsdóttir298.6 kBLokaðurPDF