is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/30105

Titill: 
  • Áhugahvetjandi samtöl fangavarða við brotamenn. Samfélagslegur ávinningur
Námsstig: 
  • Bakkalár
Útdráttur: 
  • Ritgerð þessi gildir sem lokaverkefni til BA-gráðu í félagsráðgjöf við Háskóla Íslands. Viðfangsefni ritgerðarinnar snýr að áhugahvetjandi samtölum (e. Motivational interviewing) í umhverfi réttarvörslukerfisins og því hvernig fangaverðir geta notast við slíka nálgun með föngum í þeim tilgangi að vekja með þeim hvata til að gera breytingar til batnaðar í eigin lífi. Einnig verður komið inn á æskilegar leiðir fangavörðum til handa við beitingu aðferðarinnar og bent verður á atriði sem vert er að hafa í huga við innleiðingu nálgunarinnar í stofnanir innan réttarvörslukerfisins.
    Sýnt hefur verið fram á að nálgunin um áhugahvetjandi samtöl hentar einkar vel í endurhæfingarferli einstaklinga sem afplána refsidóma og hafa þær stofnanir sem séð hafa starfsmönnum sínum fyrir þjálfun í beitingu nálgunarinnar náð markverðum heildarárangri.
    Þeir brotamenn sem hljóta áhugahvetjandi samtalsmeðferð veitta af fangavörðum eru líklegri til að breyta eigin hegðun til batnaðar og láta af brotastarfsemi, verða frekar nýtir samfélagsþegnar að afplánun lokinni og eiga þar af leiðandi síður á hættu á endurkomu í fangelsi. Einnig getur notkun nálgunarinnar innan réttarvörslukerfisins dregið úr tilfinningalegri örmögnun eða kulnun í starfi fangavarða.
    Miðað við starfslýsingu fangavarða í fangelsunum að Litla-Hrauni og Sogni ásamt þeim lögum og reglugerðum er snúa að starfi fangavarða hér á landi má ætla að nálgunin sé vel til þess fallin að innleiða hana í íslenskt fangelsiskerfi.

Samþykkt: 
  • 8.5.2018
URI: 
  • http://hdl.handle.net/1946/30105


Skrár
Skráarnafn Stærð AðgangurLýsingSkráartegund 
karen_drofn_BA_ritgerð_SKIL 2.pdf507.58 kBOpinnHeildartextiPDFSkoða/Opna
Skemman_yfirlýsing.pdf116.03 kBLokaðurPDF