en English is Íslenska

Thesis (Bachelor's)

University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/30129

Title: 
  • Title is in Icelandic Barnvæn sveitarfélög: Innleiðing Barnasáttmálans í sveitarfélögum
Degree: 
  • Bachelor's
Abstract: 
  • Abstract is in Icelandic

    Barnvæn sveitarfélög (e. Child friendly cities) er alþjóðlegt verkefni UNICEF sem styður við innleiðingarferli Barnasáttmálans í sveitarfélögum. Barnasáttmálinn var lögfestur á Íslandi árið 2013 og í kjölfar þess fór að aukast eftirspurn eftir markvissri aðgerðaáætlun um hvernig ætti að innleiða sáttmálann í íslensku samfélagi. Var því farið af stað með þróunarverkefni UNICEF á Íslandi í samstarfi við Akureyrarbæ sem verður væntanlega fyrsta barnvæna sveitarfélagið hér á landi. Markmið ritgerðarinnar var að kanna hvað einkennir barnvæn sveitarfélög og hvaða þýðingu verkefnið hefur haft fyrir réttindi barna hérlendis sem og erlendis. Með áherslu á barnvæn sveitarfélög var varpað ljósi á sögu og árangur Barnasáttmálans sem er grundvöllur fyrir réttindi barna og voru rannsóknarspurningar því eftirfarandi:
    • Hvað er barnvænt sveitarfélag?
    • Hvaða merkingu hafa barnvæn sveitarfélög fyrir réttindi barna?
    Helstu niðurstöður voru á þann veg að barnvæn sveitarfélög eru samfélög þar sem öll börn fá jöfn tækifæri, eru mikils metin og rödd þeirra fær að heyrast. Markvisst er unnið að því í barnvænum sveitarfélögum að innleiða réttindi barna. Sveitarfélög eru mikilvægur hlekkur í innleiðingarferli Barnasáttmálans þar sem þau vinna daglega að málefnum barna. Yfir 20 ára reynsla alþjóðlega verkefnisins hefur sýnt fram á umtalsverða vitundarvakningu á réttindum barna. Það að innleiða Barnasáttmálann í smáum samfélögum hjálpar til við innleiðingu á landsvísu og jafnvel alþjóðlega. Í dag eru um 3000 sveitarfélög víða um heim sem hafa innleitt líkan Child friendly cities eða vinna eftir hugmyndafræði þess.
    Lykilhugtök: Barnvæn sveitarfélög, Child friendly cities, Barnasáttmálinn, réttindi barna.

Accepted: 
  • May 9, 2018
URI: 
  • http://hdl.handle.net/1946/30129


Files in This Item:
Filename Size VisibilityDescriptionFormat 
Skemman-yfirlysingIRJ.pdf46.54 kBLockedYfirlýsingPDF
FRG261L-irj7-lokaskil-leidrettIRJ.pdf473.76 kBOpenComplete TextPDFView/Open