is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/30275

Titill: 
  • Loftslagsyfirlýsing Reykjavíkurborgar og Festu: Greining á aðgerðum fyrirtækja
Námsstig: 
  • Bakkalár
Útdráttur: 
  • Í ritgerð þessari er leitast við að gera grein fyrir stöðu loftslagsmála sem og aðgerða íslenskra fyrirtækja á því sviði. Farið verður yfir helstu áhrif sem loftslagsbreytingar kunna að valda og viðbrögð yfirvalda og markaða við loftslagsbreytingum. Greint verður frá Rammasamningi Sameinuðu þjóðanna um loftslagbreytingar, Kyoto-bókuninni og Parísarsáttmálanum. Skoðuð verða markaðstengd stjórntæki í loftslagsmálum til að greina hvernig koma megi kostnaði vegna mengunar sem fyrirtæki valda yfir á mengunarvaldana. Greint verður frá stöðu Íslands í loftslagsmálum með því að skoða losunartölur og lög um loftslagsmál. Að því loknu verður farið yfir loftslagsyfirlýsingu Reykjavíkurborgar og Festu, ásamt aðferðafræðinni Greenhouse Gas Protocol sem notuð er til að halda utan um mælingar á losuna gróðurhúsalofttegunda.
    Loftslagsyfirlýsing Reykjavíkurborgar og Festu var samþykkt árið 2015, en alls undirrituðu 104 fyrirtæki og stofnanir yfirlýsinguna. Loftslagsyfirlýsingin fól í sér skuldbindingu um „að draga úr losun gróðurhúsalofttegunda, minnka myndun úrgangs, og mæla árangurinn og gefa reglulega út upplýsingar um stöðu ofangreindra þátta.“ Þetta er í fyrsta sinn sem íslensk fyrirtæki og stofnanir koma sér saman um sameiginleg markmið til að takast á við loftslagsbreytingar.
    Rannsóknarefni þessarar ritgerðar er að skoða stöðu aðila loftslagsyfirlýsingarinnar varðandi þriðja markmið yfirlýsingarinnar. Tekin eru saman opinber gögn um loftslagsmál sem þátttakendur hafa skilað af sér. Staðan á birtingu upplýsinga um umhverfis- og/eða loftslagsmál og staðan á birtingu mælanlegra gagna um losun gróðurhúsalofttegunda verða skoðuð.
    Rannsóknin felur í sér fræðilega umfjöllun um stöðu loftslagsbreytinga og losun gróðurhúsalofttegunda, sem og umfjöllun um viðbrögð yfirvalda og markaða við ástandinu. Niðurstöður rannsóknarinnar nýtast til frekari rannsókna t.d. á stöðu Íslands á öðru skuldbindingatímabili Kyoto-bókunarinnar eða á fyrsta tímabili Parísarsáttmálans.
    Rannsóknin er gott innlegg í umræður meðal fyrirtækja og stofnana um stöðu loftslagsmála og um að halda utan um mælingar á losun gróðurhúsalofttegunda. Fyrirtæki geta gert samanburðarmat við niðurstöður rannsóknarinnar og notfært upplýsingarnar til að styrkja stefnumótun í loftslags- og umhverfisstefnum sínum.

Samþykkt: 
  • 11.5.2018
URI: 
  • http://hdl.handle.net/1946/30275


Skrár
Skráarnafn Stærð AðgangurLýsingSkráartegund 
Steinar_Eyjólfsson-BS_Loftslagsyfirlýsing_Reykjavíkurborgar_og_Festu.pdf1.2 MBOpinnHeildartextiPDFSkoða/Opna
Yfirlýsing.pdf311.82 kBLokaðurYfirlýsingPDF