is Íslenska en English

Lokaverkefni (Bakkalár) Háskóli Íslands > Heilbrigðisvísindasvið > B.S. verkefni - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/30297

Titill: 
  • Snemmíhlutun í geðrofi. Afdrif einstaklinga sem sótt hafa þjónustu Laugarássins meðferðargeðdeildar á árunum 2010-2017
Námsstig: 
  • Bakkalár
Útdráttur: 
  • Inngangur: Geðrof er algengt og alvarlegt einkenni margra geðsjúkdóma, taugaraskana, taugaþroskaraskana og annara sjúkdóma. Talið er að um 3% fólks greinist með einhverskonar geðrofssjúkdóm á ævinni. Helstu einkenni geðrofs eru ofskynjanir, ranghugmyndir og svokölluð neikvæð einkenni. Erfitt er að hafa áhrif á þekkta forspárþætti um langtímahorfur en þeir eru m.a lengd ómeðhöndlaðs geðrofs, aldur við greiningu, kyn og félagsleg staða. Snemmíhlutun miðar að því að greina sjúkdóminn og stytta þar með lengd ómeðhöndlaðs geðrofs. Laugarásinn meðferðargeðdeild (LMG) er sérhæfð geðdeild á geðsviði Landspítala sem starfar út frá hugmyndafræði snemmíhlutunar. Markmið þessarar rannsóknar var að lýsa þjónustuþegum LMG, kanna brottfall úr meðferð og einnig innlagnir á aðrar deildir geðsviðs
    Efniviður og aðferðir: Rannsóknin var aftursýn og var upplýsingum aflað úr sjúkraskrám um þá 196 einstaklinga sem sótt hafa þjónustu LMG á árunum 2010-2017. Um þriðjungur einstaklinga lauk ekki meðferð á tímabilinu, þeim var skipt í þrjá hópa. Týpa I (n=16) voru þeir sem að hættu meðferð gegn læknisráði. Týpa II (n=39) voru þeir sem voru ekki móttækilegir fyrir meðferð og var vísað annað. Týpa III (n=5) voru þeir sem ekki féllu í þessa hópa (fjórir fluttu úr landi, afdrif hins fimmta eru óþekkt). Leyfi fyrir rannsókninni fékkst þann 04.01.2018 hjá Siðanefnd Landspítalans, númer leyfis er 51/2017.
    Niðurstöður: 77% þjónustuþega LMG voru karlmenn. Meðalaldur hópsins var 23.4 ár, konur voru að meðaltali örlítið yngri (22.8 ár). Algengasta greining þjónustuþega LMG var geðklofi og undirtýpur hans (65.85%). Af 196 einstaklingum hafa 60 þeirra (30.6%) verið útskrifaðir án þess að klára meðferð. Af þeim voru 16 (26.7%) af týpu I, 39 (65%) voru af týpu II og 5 (8.3%) voru af týpu III. Alls lögðust 51 einstaklingar inn á aðrar deildir geðsviðs á meðan á meðferð þeirra stóð og lögðust inn í heildina 143 sinnum. Þar af voru 126 (88.1%) innlagðir á móttökugeðdeildir við Hringbraut og 17 (11.9%) á endurhæfingargeðdeildir.
    Umræður: Hlutfall kvenna á LMG var lágt yfir rannsóknartímabilið 23% en hefur farið hækkandi (18.4% 2010-2013 en 25.8% 2014-2017). Tíðni innlagna var svipuð með tilliti til kynjahlutfalls með vægri hækkun á hlutfalli kvenna í báðum tilvikum, 29% í hópnum sem lauk ekki meðferð og 24% hjá hópnum sem lagðist inn á aðrar deildir geðsviðs. Flestar innlagnir voru á móttökugeðdeildir við Hringbraut (n=126) eða 86% allra innlagna, af þeim voru 44 innlagnir á móttökugeðdeild fíknimeðferðar (30.1% allra innlagna) en 88% þeirra sem lögðust inn á aðrar deidir geðsviðs áttu sögu um neyslu fíkniefna.

Samþykkt: 
  • 11.5.2018
URI: 
  • http://hdl.handle.net/1946/30297


Skrár
Skráarnafn Stærð AðgangurLýsingSkráartegund 
Snemmihlutun i gedrofi - Tryggvi Ofeigsson.pdf618.26 kBOpinnHeildartextiPDFSkoða/Opna
Skemman_yfirlysing_Tryggvi Ofeigsson.pdf21.57 kBLokaðurYfirlýsingPDF
3-Spurningalisti fyrir dropoutrannsókn 2017.pdf403.45 kBOpinnViðaukiPDFSkoða/Opna