en English is Íslenska

Thesis (Bachelor's)

University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/30317

Title: 
  • Title is in Icelandic Jafnlaunastaðallinn ÍST 85: Mikilvægt skref í átt að launajafnrétti kynjanna?
Degree: 
  • Bachelor's
Abstract: 
  • Abstract is in Icelandic

    Í umræðunni um jafnrétti í íslensku nútímasamfélagi eru jafnlaunaréttindi á vinnumarkaði eitt helsta baráttumálið. Í samanburði við önnur lönd hefur Ísland á undanförum árum tekið ýmis stór skref í átt að launajafnrétti og hafa ýmsar aðgerðir til að sporna gegn kynbundum launamun verið settar í farveg. Árið 2012 var jafnlaunastaðallinn ÍST 85 útgefinn og í framhaldinu samþykkti Alþingi árið 2017 að lögbinda notkun staðalsins. Með lögunum er lagt upp með að jafna stöðu kynjanna á vinnumarkaði þar sem meginmarkmiðið er að koma á launajafnrétti með því að sporna gegn kynbundnum launamun. Viðfangsefni ritgerðar er að auka skilning á jafnlaunastaðlinum og skoða helstu forsendur og kröfur fyrir innleiðingunni. Skoðaðir verða einnig þeir þættir sem eiga að vera til staðar svo að innleiðingin nái fótfestu innan fyrirtækis, verði árangursrík og eyði kynbundnum launamun. Sjónum er einnig beint að launamun kynjanna, þá helst kynbundnum launamun og hugsanlegum orsakavöldum hans.
    Það krefst mikillar vinnu og eftirfylgni að innleiða jafnlaunastaðalinn og öðlast vottun á honum, vinnan er talin vera tímafrek og kostnaðarsöm, en ávinningurinn er ótvíræður. Ávinningurinn felst meðal annars í áhugasamara og ánægðara starfsfólki, gagnsærra og réttlátara launakerfi ásamt betri sýn stjórnenda í launa- og starfsmannamálum. Til þess að innleiðingin nái fótfestu er mikilvægt að sérhver stjórnandi geri það að metnaðarmáli sínu að uppfylla kröfur jafnlaunastaðalsins, vinni að vottuninni af fullum vilja ásamt því að sjá til þess að árangur jafnlaunakerfisins sé vaktaður og mældur og að gripið sé til markvissra aðgerða ef frávik koma upp.
    Rannsakandi vonar að þessi ritgerð reynist nytsamleg þeim sem vill öðlast betri skilning á orsökum kynbundins launamunar, jafnlaunastaðlinum ÍST 85, markmiðum hans ásamt helstu forsendum og kröfum fyrir innleiðingu jafnlaunakerfis.

Accepted: 
  • May 14, 2018
URI: 
  • http://hdl.handle.net/1946/30317


Files in This Item:
Filename Size VisibilityDescriptionFormat 
Jafnlaunastaoallinn_IST_85__Mikilvagt_skref_i_att_ao_launajafnretti_kynjanna.pdf916.03 kBOpenComplete TextPDFView/Open
Yfirlýsing um meðferð lokaverkefna.pdf205.42 kBLockedYfirlýsingPDF