is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/30334

Titill: 
  • Markaðsáætlun Þjóðgarðsins Snæfellsjökuls: Um leiðir til að ná framförum til framtíðar
Námsstig: 
  • Bakkalár
Útdráttur: 
  • Í þessari ritgerð verður leitast við að búa til markaðsáætlun fyrir Þjóðgarðinn Snæfellsjökul. Ferðaþjónusta er ein stærsta auðlind Íslands og talið er að um 10% hlutfall af vergri landsframleiðslu komi frá ferðaþjónustu sem eykst frá ári til árs. Í kjölfar mikillar aukningar ferðamanna til landsins er eitt stærsta verkefni íslenska ríkisins og fyrirtækja í landinu að reyna að dreifa umferð erlendra ferðamanna til allra staða á landinu svo auka megi atvinnu og tekjur. Á Snæfellsnesi hefur orðið gífurleg aukning á fjölda ferðamanna sem heimsækja svæðið og þá sérstaklega innan Þjóðgarðsins Snæfellsjökuls.
    Þjóðgarðar eru ekki hugsaðir til þess að skapa tekjur heldur til að friða og vernda svæðið sem innan þeirra er. Þeir eru til af ástæðu en innan þeirra eru falleg og sérstök svæði sem þarf að vernda frá ágangi mannfólks. Vegna sérstöðu sinnar markaðssetja þjóðgarðar sig að miklu leyti sjálfir og draga til sín gesti og þess vegna skila þjóðgarðar á Íslandi miklum tekjum til þjóðfélagsins. Í kjölfar ferðamannaaukningar og aukinnar ásóknar í það að skoða Þjóðgarðinn Snæfellsjökul geta þó myndast aðstæður þar sem erfitt getur reynst að passa meginmarkmið slíkra þjóðgarða; að vernda náttúruna. Í þessari ritgerð verður sett fram markaðsáætlun sem hefur það að markmiði að finna til að ná framförum innan Þjóðgarðsins Snæfellsjökuls með tilliti til aukinnar fjölgunar ferðamanna og gæða þjónustunnar á sama tíma og haldið er í gildi hans varðandi friðun og menningu.
    Stuðst var við gögn frá Þjóðgarðinum sjálfum varðandi fjölda gesta og upplýsingar um svæði innan hans en einnig voru tekin eigindleg viðtöl við fyrirtæki, þjóðgarðsvörð og Markaðsstofu Vesturlands. Þetta var gert til þess að finna út hvernig hægt væri að taka tillit til sjónarmiða allra aðila við gerð markaðsáætlunarinnar þar sem styrkleikar, veikleikar og markmið fyrir komandi framtíð voru höfð að leiðarljósi. Niðurstöður leiddu í ljós að til þess að ná framförum innan Þjóðgarðsins Snæfellsjökuls þyrfti að auka fjármagn til hans og bæta aðstöðu innan Þjóðgarðsins.

Samþykkt: 
  • 14.5.2018
URI: 
  • http://hdl.handle.net/1946/30334


Skrár
Skráarnafn Stærð AðgangurLýsingSkráartegund 
BS-ritgerd-Þorsteinn-Erlingur-Ólafsson.pdf856.76 kBOpinnHeildartextiPDFSkoða/Opna
YfirlysingÞorsteinnErlingurOlafsson.pdf102.77 kBLokaðurYfirlýsingPDF