is Íslenska en English

Lokaverkefni (Meistara)

Háskóli Íslands > Heilbrigðisvísindasvið > Meistaraprófsritgerðir - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/30625

Titill: 
  • Íslensk staðfærsla og mat á próffræðilegum eiginleikum á DSM-5 útgáfu Schedule for Affective Disorders and Schizophrenia for School Aged Children - Present and Lifetime version (K-SADS-PL): Þunglyndisraskanir og áráttu- og þráhyggjuröskun
Námsstig: 
  • Meistara
Útdráttur: 
  • Stöðluð greiningaviðtöl (standardized diagnostic interviews) hafa sýnst vera áreiðanlegri en klínískt mat við greiningu og mismunagreiningu á geðrænum vanda barna og unglinga. Schedule for Affective Disorders and Schizophrenia‐Present and Lifetime Version (K‐SADS‐PL) er eitt algengasta staðlaða greiningarviðtalið hér á landi við mat á geðröskunum barna og unglinga, en K-SADS-PL er spyrjandamiðað (interviewer-based) eða hálfstaðlað (semi-structured) og gerir miklar kröfur um reynslu spyrjanda. Árið 2016 kom út ný útgáfa af K-SADS-PL samkvæmt Diagnostic and Statistical Manual of Mental Disorders, fimmtu útgáfu (DSM-5). Tilgangur rannsóknarinnar var að staðfæra þunglyndisviðauka og áráttu- og þráhyggjuviðauka K-SADS-PL-5 á íslensku og forprófa í klínísku úrtaki. Þátttakendurnir voru 29 börn og unglingar á aldrinum sex til sautján ára, ásamt foreldrum þeirra, sem leituðu á göngudeild Barna- og unglingageðdeild Landspítalans eða Litlu Kvíðameðferðarstöðina. Börn og foreldrar fylltu út spurningalista sem mat þunglyndi og áráttu- og þráhyggjuröskun, sem síðar var borinn saman við þá sem fengu greiningu og þá sem fengu ekki. Matmannsáreiðanleiki var fengin með að bera saman greiningar tveggja óháðra matsmanna, þar sem annar hlustaði á hljóðupptöku úr K-SADS-PL viðtali fyrri matsmanns. Niðurstöður sýndu miðlungs til háa fylgni geðgreininga við samanburðarlistana. Jafnframt var samræmi milli matsmanna gott (Kappa 0,91 til 1,00) á röskununum, og fullkomið samræmi fyrir alvarlega þunglyndisröskun. Íslensk staðfærsla K-SADS-PL-5 virðist vera réttmætt og áreiðanlegt matstæki á þunglyndisröskunum og áráttu- og þráhyggjuröskun hjá börnum og unglingum á Íslandi.

  • Útdráttur er á ensku

    Standardized diagnostic interviews have shown to be more reliable than clinical assessment for youth mental health diagnosis and differential diagnosis. Schedule for Affective Disorders and Schizophrenia-Present and Lifetime Version (K-SADS-PL) is one of the most common standard diagnostic interviews used in Iceland to assessing psychiatric disorders in children and adolescents. K-SADS-PL is an interviewer-based or semi-structured and requires extensive clinical training. In 2016, a new version of K-SADS-PL was published in accordance with Diagnostic and Statistical Manual of Mental Disorders, fifth edition (DSM-5). The purpose of the study was to translate and adapt the depressive disorders and obsessive-compulsive disorder (OCD) sections of the K-SADS-PL-5 to Icelandic and evaluate its psychometric properties. Twenty-nine outpatient participants aged 6-17 years from the Department of Child and Adolescent Psychiatry of Landspítali and The Pediatric Anxiety Disorders Treatment Center (Litla Kvíðameðferðarstöðin). Children and parents completed depression and OCD-related questionnaires to evaluate convergent validity. Inter-rater reliability was obtained by comparing diagnoses of two independent evaluators using audio recording for the second evaluator. Results showed moderate to high association between diagnoses and questionnaires. The consistency between evaluators was good (Kappa 0.91 to 1.00). The current adaptation of K-SADS-PL-5 seems to be a valid and reliable estimate of depressive disorders and obsessive-compulsive disorder in Icelandic youth.

Samþykkt: 
  • 4.6.2018
URI: 
  • http://hdl.handle.net/1946/30625


Skrár
Skráarnafn Stærð AðgangurLýsingSkráartegund 
Íslensk staðfærsla og mat á próffræðilegum eiginleikum á DSM-5 útgáfu K-SADS-PL - Þunglyndisraskanir og áráttu- og þráhyggjuröskun.pdf962 kBOpinnHeildartextiPDFSkoða/Opna
0053_001.pdf61.3 kBLokaðurYfirlýsingPDF